Qırğızıstan Elmlər Akademiyası Manasşünaslıq
Milli Mərkəzinin
"Ədəbiyyat və
incəsənət məsələləri"
jurnalının birinci
nömrəsi Azərbaycan-Qırğızıstan dostluğuna
həsr edilmişdir
Qırğızıstan Elmlər Akademiyası Manasşünaslıq Milli
Mərkəzinin "Ədəbiyyat
və İncəsənət
məsələləri" jurnalının builki birinci nömrəsi Azərbaycan-Qırğızıstan dostluğuna həsr edilmişdir.
Bişkekdəki Türkdilli
Ölkələrin Siyasətinə
Dəstək İctimai
Fondunun köməyi ilə çap edilən jurnalda tarix elmləri doktoru, əməkdar elm xadimi, AMEA-nın müxbir üzvü Yaqub Mahmudovun "Ümummilli lider Heydər Əliyev və XX əsrin ikinci yarısında Azərbaycan" adlı geniş məqaləsi, həmçinin qırğız
akademiki Turar Koyçuyevin ulu öndərə həsr olunmuş "Heydər Əliyevin beş zirvəsi" materialı
verilmişdir. Nəşrdə Yaqub Mahmudovun "Azərbaycanlılar" məqaləsi
də çap edilmişdir.
Jurnalda akademik Askar Kakeevin "Akademik Ramiz Mehdiyevin əsərlərinə
elmi baxış",
professor Jolbor Jorobekovun "Akademik Ramiz Mehdiyevin əsərlərində modernləşdirmə
kursu - zamanın tələbi" məqalələri
də dərc edilmişdir.
Nəşrdə Bakı
Dövlət Universitetinin
professoru Aqil Hacıyevin "Mir Cəlalın
yaradıcılığında Qərb və rus ədəbiyyatı",
filologiya elmləri namizədləri Şarapat
İskəndərova və
Səule Eqimbayevanın
"Mir Cəlalın "Bir
gəncin manifesti"
romanı haqqında"
məqalələri də
yer almışdır.
"Ədəbiyyat
və incəsənət
məsələləri"nin
bu nömrəsində
görkəmli Azərbaycan
şairi Bəxtiyar Vahabzadənin qırğız
yazıçısı Çingiz
Aytmatov haqqında məqaləsi də çap edilmişdir.
Qulu Kəngərli
AzərTAc-ın xüsusi müxbiri
Bişkek
Azərbaycan.-2009.-1 mart.-S.2.