Əli Həsənov: Referendum hər bir ölkənin daxili işi olduğu üçün beynəlxalq müşahidə obyekti deyildir

Referendum hər bir ölkənin öz daxili işidir. Ona görə də referendum beynəlxalq müşahidə obyekti deyildir.

Azərbaycan Prezidentinin İcra Aparatının ictimai-siyasi məsələlər şöbəsinin müdiri Əli Həsənov jurnalistlərə müsahibəsində demişdir ki, parlament və prezident seçkiləri ATƏT-in müşahidə missiyasına daxildir və ATƏT bu müşahidəni ümumi şəkildə təşkil edir. Buna baxmayaraq, Azərbaycan tərəfi martın 18-nə təyin olunmuş referenduma Avropanın mühüm institutlarından - Avropa Şurasından, Avropa Parlament Assambleyasından nümayəndələr dəvət etmişdir.

Ə.Həsənov bildirmişdir ki, əgər digər qurumlar müraciət edib referendumda iştirak etmək istəklərini bildirsələr, biz onlar üçün də şərait yaratmağa hazırıq.

Azərbaycan.-2009.-4 mart.-S.4.