Avropa Parlamentində
Xocalı soyqırımının
ildönümü anılmışdır
Azərbaycanın Belçika Krallığında
və Lüksemburq Hersoqluğundakı səfirliyindən
xüsusi müxbirimizə
bildirmişlər ki, martın 3-də Heydər
Əliyev Fondunun dəstəyi ilə Avropa Parlamentinin binasında Xocalı soyqırımının 17-ci ildönümü
ilə əlaqədar
tədbir keçirilmişdir.
Mərasim iştirakçıları
əvvəlcə Heydər
Əliyev Fondu tərəfindən hazırlanmış
Xocalı soyqırımına
dair fotosərgi ilə
Azərbaycanın Avropa İttifaqı yanında daimi nümayəndəliyinin başçısı
Emin Eyyubov keçən əsrin ağrılı və acılı səhifəsi
olan Xocalı faciəsi barədə ətraflı məlumat vermişdir.
Avropa Parlamentinin deputatı Jizel Kalenbax çıxış etmiş
və iştirakçıları
soyqırımı qurbanlarının
xatirəsini bir dəqiqəlik sükutla yad etməyə dəvət etmişdir.
ABŞ-ın Ceymstaun Fondunun aparıcı tədqiqatçısı Vladimir Sokor Xocalı soyqırımı ilə
bağlı fikirlərini
tədbir iştirakçıları
ilə bölüşmüşdür.
Tədbirdə İslam
Konfransı Təşkilatının
Gənclər Forumunun
mədəniyyətlərarası dialoq üzrə baş əlaqələndiricisi
Leyla xanım Əliyevanın təşəbbüsü
ilə elan edilmiş "Xocalıya ədalət" beynəlxalq
kampaniyası barədə
məlumat verilmiş və bu aksiyaya
dəstək məqsədi
ilə imza toplanmışdır.
Zalda quraşdırılmış ekranda
Xocalı soyqırımı
qurbanlarının adları
qeyd olunmuşdur.
Tədbirdə Avropa Parlamentinin deputatları, Avropa İttifaqında akkreditə olunmuş diplomatik korpusun nümayəndələri, kütləvi informasiya vasitələrinin təmsilçiləri və Azərbaycan icmasının üzvləri iştirak etmişlər.
Əsgər Əliyev
AzərTAc-ın xüsusi müxbiri
Paris
Azərbaycan.-2009.-5 mart.-S.6.