Ağcabədi abad diyara
çevrilir
Qədim Qarabağın dilbər guşələrindən olan Ağcabədidə iqtisadiyyat dinamik şəkildə inkişaf edir, sosial infrastruktur sürətlə dəyişir, əhalini narahat edən problemlər uğurla həll edilir. Ötən ay paytaxtın "Gülüstan" sarayında "Azərbaycan Respublikası regionlarının sosial-iqtisadi inkişafı Dövlət Proqramının (2004-2008)" icrasının yekunlarına həsr olunmuş konfransda çıxış edərkən rayon icra hakimiyyətinin başçısı Şahin Məmmədov bu barədə belə dedi: "Ölkənin ahəngdar inkişafını təmin etmiş regionların sosial-iqtisadi inkişafı Dövlət Proqramında Ağcabədi rayonu üzrə nəzərdə tutulmuş bütün tədbirlər böyük müvəffəqiyyətlə yerinə yetirilmişdir. Ağcabədi rayonu indi yeni inkişaf dövrünə qədəm qoymuş, öz simasını dəyişərək abad bir diyara çevrilmişdir".
Həqiqətən də, Ağcabədi yenidən qurulmuş, yeni görkəm alıb gözəlləşmişdir. Yeniləşən, gözəlləşən təkcə rayon mərkəzinin, yaxın və uzaq kəndlərin ürəkaçan abad görkəmi deyil. Rayon əhalisinin həyat tərzi, dolanışıq səviyyəsi yüksəlmişdir. Dövlət başçısının tövsiyələrinə uyğun olaraq rayonda müvəffəqiyyətlə həyata keçirilən iqtisadi islahatlar fərəhli nəticələr vermişdir. Son beş ildə ümumi məhsul 2,8 dəfə, kənd təsərrüfatı məhsullarının istehsalı 1,7 dəfə, orta aylıq əməkhaqqı 5 dəfədən çox artmışdır. Bu illər ərzində rayonda özəl sektorun inkişafına yaradılan əlverişli şərait sayəsində 3 mindən çox sahibkarlıq subyekti fəaliyyətə başlamış, 11 mindən çox iş yeri açılmışdır. Bunun da yarıdan çoxu daimidir.
Ağcabədidə qazanılmış nailiyyətlər dövlət başçısının yeritdiyi müdrik siyasətlə əlaqələndirilir, təməli ümummilli lider Heydər Əliyev tərəfindən qoyulmuş siyasi-iqtisadi kursun Prezident İlham Əliyev tərəfindən yaradıcılıqla davam etdirilməsinin nəticəsi kimi baxılır. Ağcabədinin öz dəst-xətti vardır. Ötən il dövlət başçısı ümummilli lider Heydər Əliyevin abidəsinin və Heydər Əliyev muzeyinin açılışında iştirak etdi. Qarabağ müharibəsi əlilləri və şəhid ailələri üçün inşa edilmiş 24 mənzilli binanın orderlərini sahiblərinə təqdim etdi, təbii qazın məşəlini alovlandırdı. Rayon sakinləri ilə görüşdə Ağcabədidə görülən quruculuq işlərini qiymətləndirərək dedi: "Ağcabədinin özündə son bir neçə il ərzində böyük işlər görülübdür. Yollar salınıb, binalar abadlaşıb və bu proses davam etdiriləcəkdir. Ağcabədinin inkişafına bir müddət bundan əvvəl xüsusi vəsait ayrılmışdır və o vəsaitdən abadlıq işləri üçün istifadə edilir. Vəsaitin yenə də ayrılması nəzərdə tutulur. Mən Bakıya qayıdandan sonra müvafiq göstərişlər verəcəyəm ki, rayonun inkişafına əlavə vəsait ayrılsın, burada işlər daha da sürətlə getsin. Bölgələrin inkişafı həm məşğulluğun artmasıdır, həm yerli istehsalın artmasıdır, həm də insanların həyat səviyyəsinin yaxşılaşdırılmasıdır.
...Mən bu gün Ağcabədiyə təbii qazın verilməsində böyük rəmzi məna görürəm. Bu, Azərbaycanın gücünü göstərir, bizim imkanlarımızı göstərir. Bu onu göstərir ki, Azərbaycanda görülən işlər bütün əhaliyə öz müsbət təsirini göstərir. Bütün xalqımızın, Azərbaycan vətəndaşlarının bir məqsədi var və biz bu məqsəd, bu amal ətrafında birləşmişik və bütün dünya azərbaycanlıları birləşməlidir.
...Mən bundan sonra da bu istiqamətdə həm siyasi, həm də beynəlxalq səylərimi davam etdirəcəyəm, Azərbaycanın iqtisadi və hərbi gücünün artırılması üçün səylər göstərəcəyəm. ...Azərbaycan daha da güclənəcək və dünya miqyasında güclü, qüdrətli dövlətə çevriləcəkdir.
...Mən Ağcabədiyə çoxdan gəlmək istəyirdim. Bu gün qazın verilməsi böyük sevincdir, böyük hadisədir. Sizi bu münasibətlə bir daha təbrik edirəm, sizə uğurlar, cansağlığı arzulayıram."
Su problemi həll olunur
Əli Əliyev, rayon suvarma
sistemləri idarəsinin rəisi:
Son illər rayonumuzun kənd
əməkçiləri böyük nailiyyətlər
qazanırlar. Kənd təsərrüfatı məhsulları
istehsalçılarına dövlət dəstəyi aqrar
sektorun inkişafını təmin edən başlıca amilə
çevrilmişdir. Torpaq istifadəçilərinə,
buğda əkənlərə dövlət vəsaiti
hesabına subsidiyaların verilməsi, güzəştli qiymətlərlə
mineral gübrələrin satılması məhsul
bolluğuna əhəmiyyətli təsir göstərir. Əkinçilik
və heyvandarlıq məhsulları istehsalı yüksələn
xətlə artır. Uğurlardan rayon suvarma sistemləri
işçilərinə, melioratorlara da pay düşür.
Uzun illərdən bəri davam edən suvarma suyu probleminin həlli
istiqamətində mühüm işlər
görülmüşdür. Rayon suvarma sistemləri,
subartezian quyuları istismarı, meliorasiya və melioservis
kollektivləri əzmkarlıq göstərmiş,
qarşıya qoyulmuş vəzifələri layiqincə yerinə
yetirmişlər.
Azərbaycan Respublikası
regionlarının sosial-iqtisadi inkişafı Dövlət
Proqramının ( 2004-2008-ci illər) icrasının
yekunlarına həsr olunmuş konfransda Prezident İlham Əliyev
qarşıda duran vəzifələrdən danışarkən
demişdir: "Növbəti illər ərzində içməli
su təchizatı, meliorasiya, suvarma məsələlərinə
daha böyük diqqət göstərilməlidir. Biz növbəti
beş ildə tamamilə bu problemi Azərbaycanda həll etməliyik."
Dövlət
başçısının tapşırıq və
tövsiyələrini konkret fəaliyyət proqramı kimi qəbul
edən kollektivimiz daxili imkanlardan, mövcud ehtiyat mənbələrindən
istifadə edərək yaxşı nəticələr
qazanırlar. 1300 kilometr suvarma, 431 kilometr drenaj kanalı lildən
təmizlənmiş, 700 hektar sahənin
suvarılmasını təmin edən 7,6 kilometrlik Hindarx
kanalı bərpa edilərək istifadəyə verilmiş,
rayon ərazisində 152 subartezian quyusu
qazılmışdır. İşməli suya olan tələbatın
ödənilməsi məqsədilə Yuxarı Qarabağ kanalından
rayon mərkəzinə 7,2 kilometr məsafədən içməli
su xətti çəkilmiş, 34 içməli su
artezianı qazılıb əhalinin istifadəsinə
verilmişdir.
Respublika Prezidenti İlham Əliyevin
rayonumuza səfərindən sonra ayırdığı vəsait
hesabına Kəbirli, Mehrablı, Qaradolaq, Yeni Qaradolaq və
Aran kəndlərinin içməli su ilə bağlı
problemləri həll edilmişdir. Bu ərazidə 11 min nəfər
əhali yaşayır. Artıq kənd camaatı
İndi Xan qızı
kanalının ərazisində olan kəndləri suvarma suyu
ilə normal şəkildə təmin etmək
üçün kanalda təmir-bərpa işləri
aparılır. Nəcəfqulubəyli, Soltanbəyli, Xocavənd,
Qaradolaq, Avşar, Qaravəlli kəndlərinin su təchizatını
yaxşılaşdırmaq üçün yeni nasos
stansiyalarının tikilməsi, Mollaverdilər qobusunun 10
kilometr məsafəsinin örtülü vəziyyətə
salınması, rayonun ayrı-ayrı kəndlərində 50
artezian quyusunun qazılması da təxirəsalınmaz vəzifələrdəndir.
Xan qızı kanalının təmir və bərpa işləri
başa çatandan sonra 9 kəndin 20 min hektara yaxın sahəsi
su ilə təmin olunacaqdır. Qar-qar çayı üzərində
nasos stansiyasını tikmək üçün
hazırlıq işləri görülür. Dünya
bankının krediti ilə ayrı-ayrı kəndləri əhatə
edən 4569 hektar sahədə suvarma şəbəkəsinin
bərpası işləri davam etdirilir.
Bu işlərin
görülməsində Meliorasiya və Su Təsərrüfatı
ASC-nin rəhbərliyinin də bizə köməyi çox
olmuşdur. Meliorasiya və Su Təsərrüfatı ASC bizim
hər bir müraciətimizə son dərəcə
qayğı ilə, həssaslıqla yanaşmış,
rayonumuza kifayət qədər texnika vermişdir.
Milli-mənəvi dəyərlərə qayğı
artıb
Rza Quliyev, rayon mədəniyyət
və turizm şöbəsinin müdiri:
- Son illər Ağcabədinin
mədəni həyatında yaddaqalan hadisələr az
olmamışdır. Onlardan biri keçən il rayon mərkəzində
Heydər Əliyev Fondunun təşəbbüsü ilə
Qarabağ Muğam Mərkəzinin tikilib istifadəyə
verilməsidir. Yay və qış salonlarından, tədris
korpusundan ibarət olan mərkəzin ümumi dəyəri 1
milyon 589 min manatdır. Mərkəzin yerləşdiyi
Üzeyir Hacıbəyov adına Park tamamilə yenidən
qurulmuşdur. Parkda Muğam mərkəzi ilə yanaşı
Gənclər evi, Ahıllar istirahət klubu inşa
edilmişdir. Hazırda Qarabağ Muğam Mərkəzində
Ağcabədi, Ağdam, Laçın, Beyləqan, Xocavənd
və digər rayonlardan 70 gənc muğam sənətini
öyrənir.
Milli-mənəvi dəyərlərə
dövlət səviyyəsində göstərilən
qayğı və bunun sayəsində sahənin maddi-texniki
bazasının möhkəmləndirilməsi mədəni həyatımızın
yüksəlişi üçün etibarlı zəmin
yaradır. 1961-ci ildə tikilmiş mədəniyyət evi
keçən il respublika Prezidenti İlham Əliyevin
ayırdığı vəsait hesabına əsaslı təmir
edilərək yeni, müasir görkəm almışdır.
Ü.Hacıbəyov adına Park musiqisevərlərin sevimli
istirahət yerinə çevrilmişdir. Parkda dahi bəstəkarın
büstü və əsərlərindəki müxtəlif
personajları əks etdirən miniatür heykəllər
qoyulmuşdur.
Milli-mənəvi dəyərlərimizə
göstərilən misilsiz qayğı və diqqətə
görə rayonumuzun mədəniyyət işçiləri,
Qarabağın musiqisevərləri Heydər Əliyev Fondunun
prezidenti, YUNESKO-nun və İSESKO-nun xoşməramlı səfiri,
Milli Məclisin deputatı Mehriban xanım Əliyevaya da hədsiz
dərəcədə minnətdardırlar.
Göstərilən
qayğı, yaradılan nümunəvi şərait məsuliyyət
hissimizi daha da artırır.
Hər evə təbii qaz
Vəli Camalxanov, rayon qaz
istismarı idarəsinin rəisi:
- Respublika Prezidenti İlham Əliyevin
2008-ci ilin yanvarında Ağcabədiyə səfəri
zamanı uzun illərdən bəri dayandırılmış
təbii qaz nəqli bərpa olundu. Hazırda 5500-dən
çox abonentə təbii qaz verilir.
2009-cu ildə Ağabəyli,
Cəfərbəyli, Hacıbəyli, Pərioğullar,
Hüsülü, Rəcbərlər, Hindarx, Təzəkənd,
Çələbədin, Qaravəlli, Avşar, Xocavənd,
Soltanbəyli kəndlərinə təbii qaz xətlərinin
çəkilməsi nəzərdə tutulmuşdur.
Rayon qaz istismar idarəsi yeni
yaranıb. Onun maddi-texniki bazası hələ zəifdir.
Respublika Sənaye və Energetika Nazirliyi tərəfindən
bizim idarəyə zəruri maşın-mexanizmlər ayrılmasına
böyük ehtiyac var.
Bu texnikanı nə qədər
tez ala bilsək, Ağcabədidəki hər evdə, hər mənzildə
"mavi alov" bir o qədər tez şölələnər.
Sabahımızı etibarlı əllərə
tapşırırıq
Mehdi Əhmədov, Ağcabədi
Rayon Təhsil Şöbəsinin müdiri:
- Təhsil Azərbaycanın
davamlı inkişaf strategiyasının ən öncül
istiqamətlərindən biridir. Dövlət
başçısının müəyyən etdiyi bu
aydın istiqamət bizim fəaliyyətimizin ana xəttini təşkil
edir. Bu sahədə həyata keçirilən məqsədyönlü
tədbirlər, dövlətin və Heydər Əliyev Fondunun
qayğısı rayonumuzda təhlisin maddi-texniki
bazasını əsaslı şəkildə möhkəmləndirmiş,
bütövlükdə, təhsilin səviyyəsi xeyli
yüksəlmişdir. 2003-cü ildən əvvəlki 25 il ərzində
rayonumuzda cəmi 1 məktəb inşa edilmişdirsə, son
5 ildə Ağcabədidə dövlət proqramı çərçivəsində
10, Heydər Əliyev Fondunun xətti ilə 6, qeyri-hökumət
təşkilatlarının yardımı ilə 9 məktəb
tikilib istifadəyə verilmişdir.
Rayonumuzda Azərbaycan Müəllimlər
İnstitutunun Ağcabədi filialı, Ağcabədi Pedaqoji
Texnikumu, Sumqayıt Musiqi Texnikumunun Ağcabədi filialı,
rayon texniki peşə məktəbi, 62 ümumtəhsil məktəbi
fəaliyyət göstərir. Bunları sadalamaqda məqsədim
odur ki, müasir dövrdə Ağcabədi təkcə kənd
təsərrüfatı rayonu olaraq qalmamışdır.
Rayonda sosial-iqtisadi inkişafın yüksək dinamikası təhsildə
də yüksəlişi zərurətə
çevirmişdir. Azərbaycan Respublikasında ümumtəhsil
məktəblərinin İnformasiya-Kommunikasiya
Texnologiyaları ilə təminatı Proqramına (2005-2009-cu
illər) əsasən məktəblər 566 ədəd
kompüter dəsti ilə təmin olunmuşdur. 2008-ci il məzunlarından
10 nəfəri ali məktəblərə qəbul imtahanı
zamanı 500-dən çox bal toplamışdır. 3
saylı məktəb-liseyin məzunu Şirin Qəhrəmanlı
isə 686 bal toplayaraq Prezident təqaüdünə layiq
görülmüşdür.
Heydər Əliyev Fondunun
Prezidenti, Milli Məclisin deputatı Mehriban xanım Əliyevanın
təşəbbüsü ilə 1817 nəfər birinci sinif
şagirdinin hər birinə məktəbli çantası və
17 adda məktəb ləvazimatı, 600 nəfər məktəbliyə
isə idman dəsti hədiyyə edilmişdir.
Təhsildə əldə
etdiyi nailiyyətlərə görə, Sarıcalı kənd
orta məktəbinin direktoru Saday Əhmədov "Əməkdar
müəllim" adına layiq görülmüş, 11
saylı məktəbin direktoru Telman Salahov "Tərəqqi
medalı" ilə təltif edilmişdir.
Rayonda təhsili müasir tələblər
səviyyəsinə çatdırmaq üçün
görüləsi işlər hələ çoxdur. Yeni məktəblərin
tikintisinə, bəzi məktəb binalarının əsaslı
təmirinə, əksər məktəblərin müasir
avadanlıqlarla təminatına ehtiyac var. Bir sözlə, 23 məktəb
üçün yeni binanın tikilməsi, 10 məktəbin əsaslı
təmiri qarşıda duran vəzifələrdəndir.
Rayonumuzun pedaqoji kollektivləri
müstəqil dövlətimizin sabahı üçün
layiqli kadrlar hazırlamağı özlərinin şərəfli
vəzifəsi hesab edirlər. Sabahımızı elmli, vətənpərvər
gənclərə etibar etmək üçün
bünövrə məktəblərdə qoyulur.
Yaradılmış şəraitdən səmərəli
istifadə edərək çalışırıq ki,
bugünkü məktəblilər Azərbaycana layiqli
övladlar olsunlar.
Lazım Quliyev
Azərbaycan.-2009.-12 mart.-S.5.