İndi Yevlaxı Avropanın kiçik şəhərləri ilə
müqayisə edirlər
Ölkənin dayanıqlı
inkişafını təmin
etmək məqsədilə
qəbul edilmiş tarixi qərarlar, xüsusilə "Azərbaycan
Respublikası Regionlarının
sosial-iqtisadi inkişafı
Dövlət Proqramı
( 2004-2008-ci illər)"nın
vaxtından əvvəl
və müvəffəqiyyətlə
icra olunması bölgələrin hərtərəfli
inkişafında əsaslı
dönüş yaratmışdır.
İndi Azərbaycanın
bütün regionlarında
böyük canlanma
hiss olunur, hər yanda genişmiqyaslı layihələr həyata keçirilir. Yüksəliş,
tərəqqi, sürətli
inkişaf Yevlaxda daha çox hiss olunur.
Məlum olduğu
kimi, Prezident İlham Əliyev bu günlərdə Yevlaxda olmuşdur. Səfər zamanı dövlət başçısı
rayonda həyata keçirilən quruculuq işləri ilə yaxından
Şəhər icra hakimiyyətinin başçısı
Elmar Vəliyev yığıncaqda geniş
məruzə ilə çıxış edərək
son illər, xüsusilə
hesabat ilində Yevlaxda həyata keçirilmiş genişmiqyaslı
layihələrdən, sosial-iqtisadi
sahədə qazanılan
nailiyyətlərdən, əhalinin
həyat səviyyəsinin
yüksəldilməsi istiqamətində
görülən tədbirlərdən
ətraflı bəhs
etmişdir. Məruzəçi
hesabatını qeyri-ənənəvi
bir formada qurmuş, rayonun sosial-iqtisadi inkişafının
parametrlərini yığıncaq
iştirakçılarına tam dolğunluğu ilə çatdırmaq üçün
çıxışının elektron variantına üstünlük vermişdir.
Səhnədə qurulmuş
ekranda canlandırılan
müxtəlif diaqramlar,
müqayisəli rəqəmlər
keçilmiş yolun uğurları barədə
aydın təsəvvür
yaratmışdır.
ŞİH başçısı
eyni zamanda qeyd etmişdir ki, ölkəyə rəhbərlik etdiyi illərdə üç dəfə Yevlaxa səfər edən Prezident İlham Əliyev martın 2-3-də
burada bir sıra mühüm sosial obyektlərin - Uşaq xəstəxanasının,
Xalq teatrı binasının, Şahmat məktəbinin, İxrac Neft və Qaz
Boru Kəmərlərinin
Təhlükəsizliyi İdarəsinin
Yevlax regional şöbəsinin
şəxsi heyəti
üçün inşa
edilmiş yaşayış
binasının və
"ELTV" Yevlax regional televiziya
şirkətinin açılış
mərasimlərinə qatılmışdır.
Uşaq xəstəxanasının
açılışı münasibətilə keçirilən
mərasimdə çıxış
edən Prezident yevlaxlıların əməyini
yüksək qiymətləndirərək
demişdir: "Mən
çox şadam ki, bu gün
Yevlax Azərbaycanın
ən qabaqcıl rayonlarından biridir və burada gedən işləri çox yüksək qiymətləndirirəm".
Həqiqətən Yevlaxda hesabat ilində geniş quruculuq, abadlıq-tikinti işlərinin
aparılması daha böyük sürətlə
davam etdirilmiş, infrastrukturun yaxşılaşdırılmasına,
əhalinin faydalı məşğulluğunun təminatına,
adamları narahat edən çətinliklərin,
problemlərin aradan qaldırılmasına, rayonda
sağlam mənəvi-psixoloji
mühüt yaradılmasına
böyük önəm
verilmiş, qarşıya
qoyulmuş vəzifələr
uğurla həyata keçirilmişdir. Hesabat
ilində rayon üzrə
ümumdaxili məhsul
istehsalının həcmi
344,1 milyon manat olmuşdur ki, bu da əvvəlki
illə müqayisədə
99,2 milyon manat və ya 40,5 faiz çoxdur. Adambaşına düşən
pul gəlirləri
1581 manat təşkil
etmişdir. Gəlirlərin
çoxalmasını təmin
edən əsas amil əməkhaqlarının,
pensiya və müavinətlərin artması,
eyni zamanda yeni iş yerlərinin
açılması hesabına
əhalinin məşğulluğunun
təmin edilməsidir.
Ötən il infrastrukturun yaxşılaşdırılması
məqsədilə iri
layihələrin həyata
keçirilməsi nəticəsində
əhalinin içməli
su, elektrik enerjisi, qaz ilə
təminatı təmin
edilmiş, şəhərin
kanalizasiya sisteminin tikintisi və yenidən qurulması işi başa çatdırılmış, rabitə,
poçt və nəqliyyat sahələrində
mühüm işlər
görülmüş, təhsil,
səhiyyə və mədəniyyətin inkişafı
müasir tələblər
səviyyəsinə çatdırılmışdır.
Hesabat ilində rayon üzrə digər obyektlərlə yanaşı,
10 yeni məktəb binası, 640 yerlik əlavə sinif otaqları inşa edilmişdir. "Yeniləşən
Azərbaycana yeni məktəb" devizi altında Heydər Əliyev Fondu hesabına isə Nəmərli və Hacıselli kəndlərində
orta məktəb binaları tikilmişdir. Həmçinin Uşaq Gənclər İdman və Şahmat məktəbləri əsaslı
təmir edilərək
yenidən qurulmuş,
8 səhiyyə ocağı
inşa edilmiş, şəhər xəstəxanasında
təcili təxirəsalınmaz
tibbi xidmət sahəsi yaradılmış,
rayon mərkəzində müasir
tipli uşaq xəstəxanasının tikintisi
başa çatdırılmış,
mərkəzi klinik xəstəxananın inşası
davam etdirilmişdir. Eləcə də hesabat dövründə şəhər mərkəzi
kitabxanası əsaslı
təmir olunmuş, elektron kitabxana tikilərək texniki avadanlıqlarla təchiz olunmuş, xalq teatrı üçün
yeni bina inşa edilmişdir.
Ölkədə uğurla
həyata keçirilən
dövlət gənclər
siyasəti Yevlaxda da diqqət mərkəzindədir. Yevlaxda
gənclərə böyük
etimad göstərilir,
onlar məsul vəzifələrə təyin
edilirlər. Həmçinin
gənclərin asudə
vaxtlarının səmərəli
keçirilməsi üçün
əlverişli şərait
yaradılıb. Bu məqsədlə
şəhərdə "Gənclər
evi" tikilmiş, müasir standartlara cavab verən süni örtüklü idman meydançaları yaradılmışdır.
2008-ci ildə
əhalinin elektrik enerjisinə və təbii qaza olan ehtiyacını tamamilə ödəmək
üçün də
bir sıra əsaslı işlər görülmüş, şəhərdə,
qəsəbə və
kəndlərdə müxtəlif
gücə malik transformatorlar quraşdırılmışdır.
Eyni zamanda şəhərin tam qazlaşması
problemi həll edilmiş, 2-ci qazpaylayıcı
stansiya tikilib istifadəyə verilmişdir.
Habelə Kür çayından şəhərə
yeni su xətti
çəkilmiş, çox
sayda subartezian quyuları bərpa edilmiş və yeniləri qazılmış,
19 kənddə sutəmizləyici
qurğular inşa edilərək 164 bulaq tikilmişdir.
Rayonda yeni iş yerləri açmaq, özəl sektoru və sahibkarlığı inkişaf
etdirmək üçün
də əməli tədbirlər görülür.
Tikiş və mebel fabriklərinin, makaron və çörək sexlərinin,
kərpic zavodunun,
"Gilan-Dəri" fabrikinin,
asfalt və beton zavodlarının tikilməsi buna misaldır. Nəticədə
hesabat ilində rayon üzrə 12,3 milyon manatlıq sənaye məhsulları istehsal olunmuş və bunun yarıdan çoxu xarici ölkələrə ixrac
edilmişdir. Ən nəhayət, keçən
il 1300-dən çox
yeni iş yeri açılmışdır.
Bir zaman
"Yevlaxı daha abad və daha
gözəl görmək
istəyirəm" deyən
ulu öndər Heydər Əliyevin istəyi bu gün gerçəkləşib.
Yevlaxlılar son illər
doğma diyarlarını,
sözün həqiqi
mənasında, cənnətə
döndəriblər. Şəhərə
gələnlər bugünkü
Yevlaxı hətta kiçik Avropa şəhərləri ilə
müqayisə edirlər.
Qışı baharından,
gecəsi gündüzündən
seçilməyən Yevlaxı
parklar, xiyabanlar şəhəri, çiçəklər
diyarı da adlandırırlar. Ana Kürün
sahilində yaraşıqlı
gəlin kimi bəzənib cilvələnən
Yevlaxın müasir görkəmi haqqında
tam təsəvvürə malik
olmaq üçün
gərək yolunu burdan salasan, qonaqpərvər yevlaxlılara
mehman olasan.
Həm hesabat məruzəsində, həm də yığıncaqda səslənən ayrı-ayrı çıxışlarda qazanılan bu nailiyyətlərdə Prezident İlham Əliyevin Yevlaxa, onun tərəqqisinə göstərdiyi xüsusi qayğı və diqqət əsas amil kimi minnətdarlıqla vurğulandı. Bildirildi ki, dövlət başçısının rayona bu münasibəti təsadüfi xarakter daşımır. Prezidentin şəxsi fikridir ki, Yevlax strateji baxımdan çox önəmli rayondur, ölkənin coğrafi mərkəzidir, nəqliyyat, kommunikasiya, enerji dəhlizlərinin keçdiyi bir ərazidir. Belə ərazi inkişaf etdirilməlidir.
Lazım Quliyev
Azərbaycan.-2009.-15 mart.-S.4.