Beynəlxalq ekspertlər referenduma hazırlıq mərhələsindən məmnundurlar
Martın 16-da Azərbaycanda İnsan Hüquqlarına dair Beynəlxalq Standartların
Təsbiti üzrə
Birgə İşçi
Qrup martın 18-də
keçiriləcək ümumxalq
səsverməsi (referendum) ilə
bağlı apardığı
monitorinqin nəticələrini
açıqladı. İşçi qrupun koordinatoru Ramiz Sevdimalıyev qurumun bir ildir
fəaliyyət göstərdiyini
deyərək, bu müddət ərzində
bir sıra layihələrin həyata
keçirildiyini xatırlatdı.
O, qeyd etdi ki, "Azərbaycan Respublikasında 18 mart 2009-cu il
referendumunun siyasi və hüquqi əsasları" beynəlxalq
konfransı da bu qəbildəndir.
Belçika, Almaniya,
Bolqarıstan, İspaniya,
ABŞ və digər
ölkə ekspertlərinin
iştirak etdiyi tədbir beynəlxalq mütəxəssislərin ümumxalq
səsverməsinə münasibətlərinin
ifadə edilməsi baxımından əhəmiyyətli
olub. Eyni zamanda, birgə
işçi qrup
"Azərbaycan Respublikasının
Konstitusiyasına əlavə
və dəyişikliklər
edilməsi haqqında"
Referendum Aktı layihəsinə
dair üç dildə rəy hazırlayıb. Qrupun ekspertləri
rəydə öz münasibətlərini ifadə
ediblər.
Avropa Şurası
Venesiya Komissiyasının
referendumla bağlı
mövqeyini açıqlayan
birgə işçi
qrupun təmsilçisi,
Belçika Konstitusiyası
Məhkəməsinin üzvü
Jan Pol Moerman Azərbaycanın demokratik
prinsipləri üstün
tutaraq sürətlə
inkişaf etdiyini, qanunvericilik aktlarında bir sıra mütərəqqi
islahatların aparıldığını
dedi. Beynəlxalq ekspert bildirdi ki, respublikamızdakı mövcud ictimai-siyasi durum bütün məsələlərə
diqqətlə yanaşmağı
tələb edir:
"Azərbaycanın qonşuları
bu dövlətə qarşı olduqca həssas, diqqətcildirlər.
Bizim münasibətlərimizə təsir
göstərən digər amillər də mövcuddur. Azərbaycanın əraziləri təcavüzkar
siyasət nəticəsində işğal olunub. Bu ölkə müstəqilliyinə ikinci dəfə
qovuşmuş gənc dövlətdir. ...Azərbaycanda
demokratikləşmə prosesi gedir və bu məsələdə
Avropa prinsipləri əsas götürülüb".
Ümumxalq səsverməsinə
çıxarılmış məsələlərlə
bağlı Avropa Şurası Venesiya Komissiyasının təkliflərini
səsləndirən Jan Pol Moerman referendumun keçirilməsi
ilə əlaqədar prosedurlardan da bəhs etdi. Ümumxalq səsverməsinin
bülletenlərində əks olunmuş suallar aydın və
oxunaqlıdır. Bu səbəbdən də
seçicilər ümumxalq müzakirəsinə
çıxarılmış məsələlərlə tam
məlumatlıdırlar. Referendum xalqın
bütün məsələlərə münasibətini
müəyyənləşdirən ən yaxşı vasitədir.
Beynəlxalq
işçi qrupun üzvü Altava Lavall gənc Azərbaycan
dövlətinin vətəndaşlarının fundamental
hüquq və azadlıqlarının qorunmasını
uğurla həyata keçirdiyini vurğuladı. Əsas məqsədin
Avropanın demokratik dəyərlərinin qəbul edilməsi
və həyata keçirilməsindən ibarət olduğunu
deyən beynəlxalq ekspert Konstitusiyanın 146-cı maddəsinə
nəzərdə tutulan dəyişikliklərə dair
mövqeyini bölüşdü.
Avropa Şurası Parlament
Assambleyasının üzvü Maykl Hankok isə Azərbaycan
xalqının 18 mart referendumunda ümumxalq müzakirəsinə
çıxarılmış məsələlərə
münasibətini bölüşəcəyini qeyd edərək
bu hüququn yalnız xalqa məxsus olduğunu dedi. Avropa Şurası Venesiya Komissiyasının təkliflərini
səsləndirən beynəlxalq ekspertlər referenduma
hazırlıq mərhələsinin uğurla başa
çatdığını qeyd etdilər.
Anar Rasimoğlu
Azərbaycan.-2009.-17 mart.-S.3.