Azərbaycan ilə Çin arasında münasibətlər uğurla
inkişaf edir
Çinin Azərbaycandakı səfiri
Çjan Xayçjou ölkəmizdəki fəaliyyət
müddətinin başa
çatması ilə
əlaqədar martın
16-da xarici işlər
naziri Elmar Məmmədyarov ilə görüşmüşdür.
Bakıda işlədiyi müddətdə
Azərbaycan hökuməti
tərəfindən ona
göstərilən dəstəyə
görə minnətdarlığını
bildirən səfir ölkələrimiz arasında
ikitərəfli əlaqələrin
inkişaf dinamikasından
razılığını ifadə etmiş, bu münasibətlərin gələcəkdə daha
da genişləndirilməsinin
vacibliyini vurğulamışdır.
Xarici İşlər
Nazirliyinin mətbuat xidmətindən bildirmişlər
ki, nazir E.Məmmədyarov Azərbaycan
ilə Çin arasında bir çox sahələrdə
uğurla davam edən münasibətlərdən
məmnunluğunu bildirmiş,
həm ikitərəfli,
həm də beynəlxalq təşkilatlar
çərçivəsində əməkdaşlığın daha da inkişaf
etdirilməsinin əhəmiyyətini
vurğulamış və
səfir Çjan Xayçjouya gələcək
fəaliyyətində uğurlar
arzulamışdır.
AzərTAc
Azərbaycan.-2009.-17 mart.-S.9.