Pakistan İslam Respublikasının Prezidenti zati-aliləri cənab Asif Əli Zərdariyə

Hörmətli cənab Prezident!

Ölkənizin milli bayramı - Pakistan günü münasibətilə Sizi və Sizin simanızda bütün xalqınızı öz adımdan və Azərbaycan xalqı adından səmimi-qəlbdən təbrik edirəm.

Biz Azərbaycan-Pakistan münasibətlərinin inkişafına böyük əhəmiyyət veririk. Əminəm ki, ölkələrimiz və xalqlarımız arasında əlaqələrin hərtərəfli genişlənməsi, dostluq və əməkdaşlığımızın daha da möhkəmlənməsi istiqamətində bundan sonra da qarşılıqlı səylər göstərəcəyik.

Sizə möhkəm cansağlığı, işlərinizdə uğurlar, qardaş Pakistan xalqına sülh, sabitlik və firavanlıq arzulayıram.

Hörmətlə,

İlham Əliyev,

Azərbaycan Respublikasının Prezidenti

Bakı, 12 mart 2009-cu il

Azərbaycan.-2009.-30 mart.-S.1.