Beynəlxalq Muğam Festivalı çərçivəsində filarmoniyada konsert proqramı olmuşdur

Martın 19-da "Muğam aləmi" Beynəlxalq festivalı çərçivəsində Müslüm Maqomayev adına Azərbaycan Dövlət Filarmoniyasında Üzeyir Hacıbəyli adına Azərbaycan Dövlət simfonik orkestrinin ifasında konsert proqramı olmuşdur.

Azərbaycanın birinci xanımı, Heydər Əliyev Fondunun prezidenti, YUNESKO-nun və İSESKO-nun xoşməramlı səfiri, Milli Məclisin deputatı Mehriban xanım Əliyeva və YUNESKO-nun baş direktoru Koişiro Matsuura konsertdə olmuşlar.

Proqramda Fikrət Əmirovun "Şur", "Gülüstan-Bayatı Şiraz" və "Kürd ovşarı" simfonik muğamları səslənmişdir.

AzərTAc

Azərbaycan.-2009.-20 mart.-S.2.