Muğam üzrə beynəlxalq elmi simpozium bölmə iclaslarında işini davam etdirmişdir
Martın 19-da AMEA-nın Milli Azərbaycan Tarixi Muzeyində "Muğam aləmi" Beynəlxalq festivalı çərçivəsində
beynəlxalq elmi simpozium bölmə iclaslarında öz işini davam etdirmişdir.
"Muğam
bədii və elmi təfəkkür kontekstində" bölməsi
üzrə keçirilən
iclasda Azərbaycan, Rusiya, Niderland, ABŞ və iraqlı alimlərin 12 məruzəsi
dinlənilmişdir.
"Muğam,
məqam və müasir modal musiqi" bölməsində isə
Azərbaycan, ABŞ və
rusiyalı alimlərin
muğam haqqında elmi araşdırmaları
təqdim edilmişdir.
Suriyadan gəlmiş
Səəd Hannibalın
fikrincə, muğam festivalının keçirilməsi
iki cəhətdən
- muğamın qorunması
və inkişaf etdirilməsi, onun müsəlman ölkələrinin
mədəniyyətləri arasında əlaqələrin
möhkəmləndirilməsinə təsiri baxımından olduqca əhəmiyyətlidir.
Qonaq demişdir:
"Azərbaycanın müasir
musiqisi üzərində
təkmilləşdirmələr aparılması təqdirəlayiqdir.
Bunu öyrənmək
bizim üçün
önəmlidir. Mən
musiqiçiyəm, festivallar
təşkil edirəm,
Azərbaycanın birinci
xanımının beynəlxalq
muğam festivalı keçirmək təşəbbüsünü
alqışlayıram. Sevindirici
haldır ki, Mehriban xanım Əliyeva muğamın qayğısına qalır".
Simpoziumun işində
iştirak edən
AMEA-nın Nizami adına Ədəbiyyat İnstitutunun direktoru akademik Bəkir Nəbiyev bildirmişdir ki, bu tədbir,
ilk növbədə xalqa,
onun tarixinə, mədəniyyətinə, ədəbiyyatına,
musiqisinə, muğamına
olan böyük məhəbbətdir. Bu məhəbbəti
yaradan, muğamı dəyərləndirən, ona
qiymət verən, diqqət və qayğı göstərən
YUNESKO-nun və İSESKO-nun xoşməramlı səfiri,
Heydər Əliyev Fondunun prezidenti, Milli Məclisin deputatı Mehriban xanım Əliyevadır.
Bu, həqiqətən də
xalqımızın tarixi
üçün çox
mühüm əhəmiyyətli
tədbirdir. Hərə
öz qüvvəsi, imkanı etibarilə bu tədbirin böyük sarayına kiçicik bir kərpic qoya bilirsə, bununla ancaq fəxr etmək olar.
"Musiqi
irsinin qorunması, inkişafı və təbliği" bölməsində
də Azərbaycan, Macarıstan, Tacikistan, Fransa, Hollandiya, Amerika alimlərinin məruzələri dinlənilmişdir.
Dünyanın məşhur
muğam tədqiqatçıları
onun bəzi problemləri barədə
fikirlərini bölüşdülər.
Şərq musiqisini tədqiq
edən alimlərin, musiqi xadimlərinin iştirakı ilə
keçən simpoziumun əsas məqsədi müasir
dövrdə muğam sənətinə diqqət və
qayğının artırılması, muğam fəlsəfəsi,
peşəkar musiqi ifaçılığının,
muğamın təbliği, tədrisi, müasir dinləyici mədəniyyətinin
formalaşdırılması, klassik musiqi irsinin qorunması məsələlərinə
diqqət yetirməkdir
Simpozium martın 20-də
"Dəyirmi masa" iclası ilə başa
çatacaqdır.
AzərTAc
Azərbaycan.-2009.-20 mart.-S.3.