Azərbaycanın xarici işlər naziri ABŞ-a işgüzar səfərə getmişdir

Mayın 4-də Azərbaycanın xarici işlər naziri Elmar Məmmədyarov ABŞ-a işgüzar səfərə getmişdir.

Nazirliyin mətbuat xidmətindən bildirmişlər ki, ikigünlük səfər çərçivəsində E.Məmmədyarov ABŞ-ın dövlət katibi Hillari Klinton, Pentaqonun və Milli Təhlükəsizlik Şurasının rəsmiləri və bir qrup yerli ekspertlərlə görüşəcəkdir.

Görüşlərdə Azərbaycan-ABŞ münasibətlərinə, regionda baş verən son proseslərə və Dağlıq Qarabağ münaqişəsinin həllinə dair məsələlər müzakirə olunacaqdır.

AzərTAc

Azərbaycan.-2009.-5 may.-S.7.