Azərbaycan gimnastları Dünya
kubokunda 5-ci oldular
Azərbaycan gimnastları İtaliyanın
Dörd mümkün finalın üçündə çıxış
etmək imkanı əldə edən Anna Qurbanova ən yaxşı nəticələri
ip və halqa ilə göstərib və 5-ci yeri tutub. Topla finalda
isə gimnastımız
6-cı nəticəni göstərib.
Digər təmsilçimiz Aliyə
Qarayeva da finala 3 dəfə vəsiqə qazanaraq, iplə və topla 7-ci, lentlə isə 8-ci nəticəni göstərib.
Çoxnövçülükdə gimnastlarımızın
hər ikisi 101.65 bal toplayaraq 9-10-cu yerləri bölüşdürüblər.
Azərbaycanın üçüncü gimnastı Zeynəb Cavadlı 91.85 balla 33 iştirakçı arasında
18-ci yeri tutub.
Pesaroda qələbəni ən yüksək nəticələrə
4 dəfə imza atan rusiyalı Yevgeniya Kanayeva bayram edib.
Azərbaycanın böyüklərdən ibarət
qrup komandasının
da Pesarodakı çıxışını uğurlu saymaq olar. Belə ki, 3
lent 2 iplə hərəkətlərdə,
ilin Yaponiyada keçiriləcək ən
vacib startına - dünya çempionatına
hazırlaşan Vəfa
Hüseynova, Dina Qorina,
Anastasiya Prasolova, Valeriya Yeqay, Ceyla Quliyeva və Nigar Mirzəyevadan
ibarət kollektivimiz
23.7 balla 5-ci yeri tutub.
Azərbaycan yığması
ikinövçülükdə 6-cı nəticəni göstərib
(44.625 bal). Dünya kuboku isə
proqramın hər üç növündə
bütün rəqiblərini
geridə qoyan xalça sahiblərinə
nəsib olub.
Azərbaycan Gimnastika
Federasiyası mətbuat
xidmətindən aldığımız
məlumata görə,
İtaliyadakı turnir
fərdi gimnastlarımız
üçün 10 gündən
sonra Bakıda start götürəcək Avropa
çempionatı astanasında
sonuncudur.
Xarici nümayəndə heyətlərindən
Bakıya ilk olaraq Litva gimnastlarının səfəri gözlənilir. Onlar paytaxtımıza
mayın 11-də təşrif
buyuracaq. Yarışlar isə mayın 15-də
10.30-da başlanacaq - xalçaya
seniorlar çıxacaqlar.
Həmin
gün çempionatın
təntənəli açılış
mərasimi keçiriləcək.
Tədbir 18.30-da başlanacaq.
Avro-2009-un Azərbaycandakı teleyayımını
"Lider TV" televiziya
kanalı həyata keçirəcək. Qitə birinciliyinə xarici
telekanallar da maraq göstərib. Onlar arasında Rusiyanın məşhur "RTR Sport" idman
kanalı da var.
Azərbaycan.-2009.-5 may.-S.8.