Prezident İlham Əliyev Bakıda Talassemiya Mərkəzinin açılışında iştirak etmişdir

 

 Mayın 9-da Bakının Nərimanov rayonundakı Fətəli xan Xoyski prospektində Talassemiya Mərkəzinin açılışı olmuşdur.

Azərbaycan Prezidenti İlham Əliyev xanımı Mehriban Əliyeva mərasimdə iştirak etmişlər.

Mehriban xanım Əliyevaya gül dəstəsi təqdim olundu.

Dövlətimizin başçısı xanımı mərkəzin açılışını bildirən lenti kəsdilər.

Sonra mərkəzlə tanışlıq oldu. Səhiyyə naziri Oqtay Şirəliyev məlumat verdi ki, ulu öndərin anadan olmasının 86- ildönümü ərəfəsində ümummilli liderin adını daşıyan, ideyalarını təbliğ edən Heydər Əliyev Fondunun təsəbbüsü ilə tikilən bu gün istifadəyə verilən Talassemiya Mərkəzi həmin xəstəliyə düçar olanlar onların yaxınları üçün ümid yeridir.

Uşaqların sağlamlığının qorunması fəaliyyətinin prioritet istiqamətlərindən biri olan Heydər Əliyev Fondunun "Talassemiyasız həyat naminə" proqramı çərçivəsində inşa olunmuş Talassemiya Mərkəzinin binası zirzəmidən, beş mərtəbədən mansard hissədən ibarətdir. Tikinti işlərinə 2006- ildən başlanmışdır layihənin ümumi dəyəri 18 milyon ABŞ dollarıdır. Türk Əməkdaşlıq İnkişaf Agentliyi Mərkəzi 590 min dollar dəyərində avadanlıqla təchiz etmişdir.

Ümumi sahəsi 7 min 720 kvadratmetr olan bina tam hermetikdir, xarici divarları isti soyuğa qarşı izolə olunmuşdur. Binanın interyerinə dizaynına xüsusi diqqət yetirilmiş, bu zaman həkimlərin, memarların, dizaynerlərin psixoloqların məsləhətləri nəzərə alınmışdır.

Mərkəz üçün seçilən antibakterioloji ləvazimat xəstələrin yaşı nəzərə alınmaqla əlvan rəngli müsbət enerji verən dizayna uyğunlaşdırılmışdır.

Foyedə ulu öndər Heydər Əliyevə həsr rolunmuş guşə yaradılmış, altı metr uzunluğu olan akvarium quraşdırılmışdır.

Tibb işçilərinin rahat yüksək səviyyədə xidmət göstərmələri, xəstələrin müayinə müalicəsinin aparılması ardıcıllığı nəzərə alınaraq otaqların təyinatına, həmçinin mərtəbələr üzrə bölüşdürülməsinə xüsusi diqqət yetirilmişdir. Birinci mərtəbədə qeydiyyat şöbəsi, donor mərkəzi, həkim otağı, ultrasəs müayinəsi köməkçi otaqlar, laboratoriya vardır. Laboratoriyada qan qrupunu avtomatik təyin edən aparat digər lazımi avadanlıq quraşdırılmışdır.

İkinci mərtəbə poliklinikadır. Burada baş həkimin otağı, iki hissədən ibarət transfuziya zalı, on iki otağı olan klinika, ümumi laboratoriya, manipulyasiya şüa diaqnostikası otaqları fəaliyyət göstərəcəkdir.

Sahəsi 1280 kvadratmetr olan üçüncü mərtəbədə iliyin köçürülməsi üçün əməliyyat otağı, hərəsi bir nəfərlik beş reanimasiya palatası, iki manipulyasiya otağı, sterilləşdirmə mərkəzi, molekulyar diaqnostika laboratoriyası yerləşir. Xəstələr müasir palatalarda müalicə alacaqlar. Reanimasiya palatalarının əməliyyat otağının yerləşdiyi hissəni laminar hava ilə təmin etmək üçün xüsusi havalandırma sistemi quraşdırılmışdır.

Mərkəzin dördüncü mərtəbəsində hər biri iki nəfərlik on üç palata, hərəsi bir nəfərlik dörd palata, uşaqlar üçün oyun otağı vardır. Beşinci mərtəbədə kafe, yeməkxana, kitabxana, internet mərkəzi, 110 nəfərlik konfrans salonu fəaliyyət göstərir.

Sahəsi 1080 kvadratmetr olan mansardda Almaniyada istehsal olunmuş havalandırma sistemi quraşdırılmışdır.

Zirzəmidə havalandırma qaz şəbəkəsinin qurğuları, izolyator zalı, rabitə mərkəzi kompüter sistemi, camaşırxana sterilləşdirmə otağı yerləşir.

Binanın xüsusi yanğın təhlükəsizliyi sistemi vardır.

 Ən müasir avadanlığın quraşdırıldığı mərkəzin istifadəyə verilməsi ilə Azərbaycanda ixtisaslaşdırılmış tibb ocağının qan bankının yaradılmasına, talassemiyadan əziyyət çəkən uşaqların təhlükəsiz keyfiyyətli qanla təminatı üçün könüllü donor xidmətinin inkişaf etdirilməsinə, talassemiyanın yayılmasının qarşısını almaqdan ötrü əhalinin maarifləndirilməsi talassemiya ilə mübarizə aparan bir sıra dövlətlərlə əməkdaşlığın genişləndirilməsinə, ölkəmizdə yüksək ixtisaslı kadrların hazırlanmasına nail olunmuşdur.

Məlumat verildi ki, yaxın gələcəkdə burada talassemiyanın radikal müalicəsi üsulunun tətbiqi nəzərdə tutulur. Bu isə xəstənin tam sağalması deməkdir. Burada quraşdırılan avadanlıq müalicənin ən yüksək səviyyədə aparılmasına şərait yaradır.

Paytaxtımızda yeni müalicə mərkəzinin istifadəyə verilməsi Heydər Əliyev Fondunun əhalinin sağlamlığının qorunması işinə ən dəyərli töhfələrindən biridir.

Prezident İlham Əliyev mərkəzdə yaradılmış şəraitdən razılığını bildirdi.

 

 

AzərTAc

 

Azərbaycan.-2009.-13 may.-S.2.