Şəhidlərin xatirəsinə ehtiram
Ölkəmizdə səfərdə olan Türkiyənin Baş naziri Rəcəb Tayyib Ərdoğan mayın 13-də Şəhidlər xiyabanına gələrək, Azərbaycanın müstəqilliyi və ərazi bütövlüyü uğrunda canlarından keçmiş Vətən övladlarının xatirəsini ehtiramla yad etmiş, "Əbədi məşəl" kompleksinin önünə əklil qoymuşdur.
Buradan Bakının mənzərəsini seyr edən Türkiyənin Baş nazirinə Şəhidlər xiyabanının tarixi və paytaxtımızda görülən abadlıq-quruculuq işləri barədə məlumat verilmişdir.
* * *
Elə həmin gün Rəcəb Tayyib Ərdoğan Şəhidlər
xiyabanında türk şəhidlərinin xatirəsinə
ucaldılmış abidəni
də ziyarət etmişdir. Türkiyənin Baş
naziri 1918-ci ildə Bakının bolşevik-erməni daşnak qoşunlarından azad edilməsi uğrunda döyüşlərdə şəhid
olmuş 1130 türk əsgərinin xatirəsinə
ucaldılmış abidə
kompleksinin önünə
əklil qoymuş, Şəhidlik kitabəsinin
üstünə gül
dəstələri düzmüşdür.
AzərTAc
Azərbaycan.-2009.-14 may.-S.2.