İçərişəhərlə tanışlıq
Türkiyənin Baş nazirinin xanımı Əminə Ərdoğan
mayın 13-də İçərişəhərlə tanış olmuşdur.
Qoşaqala qapılarından
başlanan gəzinti zamanı qonağa ötən əsrlərin
yadigarı olan abidələrin qorunması
və bərpasına
göstərilən dövlət
qayğısından danışılmışdır.
Əminə Ərdoğan
tanınmış xalça
ustası, xalq rəssamı Kamil Əliyevin xalça muzeyində olmuş, onun əsərlərinə
maraqla tamaşa etmişdir. Burada qonaq türk
dünyasının dahi
şəxsiyyəti ümummilli
lider Heydər Əliyevin, Azərbaycan mütəfəkkirləri Nizami
Gəncəvinin, Məhəmməd
Füzulinin, İmadəddin
Nəsiminin, böyük
rus şairi Aleksandr Puşkinin və başqa görkəmli şəxsiyyətlərin
portretləri toxunmuş
xalçalarla maraqla
tanış olmuşdur.
Məlumat verilmişdir
ki, bu gün
Türkiyə Böyük
Millət Məclisində
saxlanılan Mustafa Kamal Atatürkün portretinin toxunduğu xalça da Kamil Əliyevin əl işidir.
Müxtəlif çeşnili
xalçalara maraqla tamaşa edən qonaq burada gördüklərindən
məmnun qalmışdır.
Əminə Ərdoğan
Karvansarada da olmuşdur. Qonağa bu nadir abidənin
tarixi barədə məlumat verilmişdir.
AzərTAc
Azərbaycan.-2009.-14 may.-S.3.