Arnold Rüytel
ümummilli lider Heydər Əliyev ilə keçirdiyi
çoxsaylı görüşləri xatırlayaraq,
Estoniya-Azərbaycan əlaqələrinin inkişafında ulu
öndərin əvəzsiz xidmətlərinin olduğunu
bildirmişdir. Azərbaycana ilk dəfə səfər etdiyini
vurğulayan estoniyalı qonaq, bütün sahələrdə
inkişaf prosesinin şahidi olduğunu və bu nailiyyətlərin
ölkələrimiz arasında münasibətlərin
genişləndirilməsinə yeni perspektivlər
açdığını qeyd etmişdir.
Ölkələrimiz
arasındakı münasibətlərin yüksək səviyyədə
olduğunu vurğulayan nazir Elmar Məmmədyarov Estoniya
Prezidenti Toomas Hendrik İlvesin cari ilin əvvəlində Azərbaycana
rəsmi səfərinin, hər iki ölkənin xarici işlər
nazirlərinin görüşlərinin tez-tez keçirilməsinin
əlaqələrin intensiv inkişafından xəbər
verdiyini bildirmiş, əməkdaşlığın
genişləndirilməsi üçün geniş
potensialın olduğunu diqqətə çatdırmışdır.
Ölkəmizin regionda
artan nüfuzundan danışan nazir Elmar Məmmədyarov, Ermənistanın
Azərbaycan torpaqlarını işğal altında
saxlamasını regional sabitliyə təhlükə
olduğunu və münaqişənin yalnız Azərbaycanın
ərazi bütövlüyü çərçivəsində
həll edilə biləcəyini vurğulamışdır.
Görüşdə
regionda və qlobal səviyyədə gedən siyasi proseslər
ətrafında da fikir mübadiləsi
aparılmışdır.
AzərTAc
Azərbaycan.- 2009.- 19 may.- S. 5.