AzərTAc xəbər
verir ki, noyabrın 7-də Baş nazir Artur Rasizadə
Azərbaycanda səfərdə
olan Türkiyə Silahlı Qüvvələri
Baş Qərargahının
rəisi, ordu generalı İlkər Başbuğun rəhbərlik
etdiyi nümayəndə
heyəti ilə görüşmüşdür.
Azərbaycan hökumətinin başçısı
əmin olduğunu bildirmişdir ki, qardaş ölkənin Müdafiə Nazirliyinin bu nüfuzlu nümayəndə heyətinin
səfəri, aparılmış
danışıqlar hərbi
sahədə əməkdaşlığın
genişləndirilməsi və
dərinləşdirilməsinə xidmət edəcəkdir. Azərbaycan-Türkiyə əlaqələrinin bütün
sahələrdə uğurla
inkişaf etməsindən
danışan Baş nazir qeyd etmişdir
ki, dövlətimizin müstəqilliyini birinci tanımış Türkiyənin
Azərbaycan Milli Ordusunun təşəkkülündə
və modernləşməsində
köməyini ölkəmizdə
yüksək qiymətləndirirlər.
Artur Rasizadə
Ermənistan-Azərbaycan, Dağlıq
Qarabağ münaqişəsi
barədə söhbət
açmış, qonaqlara
milli iqtisadiyyatımızın
uğurları, regionda
Azərbaycanın təşəbbüsü
ilə həyata keçirilən qlobal enerji və nəqliyyat layihələri
barədə məlumat
vermişdir.
İlkər Başbuğ bildirmişdir
ki, dünyada Türkiyə və Azərbaycan qədər sıx dostluq münasibətləri olan
ölkə yoxdur.
Görüşdə qarşılıqlı maraq
doğuran məsələlər
barədə ətraflı
fikir mübadiləsi aparılmışdır.
Azərbaycan.-2008.-8 noyabr.-S.1.