Azərbaycan Respublikasında
anadangəlmə və
qazanılmış ürək
qüsurları olan uşaqların müasir üsullarla müalicəsini
təmin etmək məqsədi ilə qərara alıram:
1. Azərbaycan
Respublikası Səhiyyə
Nazirliyinin Uşaq Kardiocərrahiyyə Mərkəzinin
müasir avadanlıqlarla
təchiz edilməsi üçün Azərbaycan
Respublikasının 2008-ci il
dövlət büdcəsində
nəzərdə tutulmuş
Azərbaycan Respublikası
Prezidentinin Ehtiyat Fondundan Azərbaycan Respublikasının Səhiyyə
Nazirliyinə 5,0 (beş) milyon manat məbləğində
vəsait ayrılsın.
2. Azərbaycan Respublikasının
Maliyyə Nazirliyinə
tapşırılsın ki,
bu sərəncamın
birinci bəndində nəzərdə tutulan vəsaitin maliyyələşdirilməsini
müəyyən olunmuş
qaydada təmin etsin.
3. Azərbaycan Respublikasının
Nazirlər Kabineti bu sərəncamdan irəli gələn məsələləri həll
etsin.
4. Bu sərəncam
imzalandığı gündən
qüvvəyə minir.
İlham ƏLİYEV,
Azərbaycan Respublikasının Prezidenti
Bakı şəhəri,
7 noyabr 2008-ci il
Azərbaycan.-2008.-8 noyabr.-S.1.