Ekologiya və təbii
sərvətlər naziri Hüseynqulu Bağırov dövlətimizin
başçısına layihə əsasında görülən
işlər barədə məlumat verdi. Bildirildi ki, iyul ayından başlanmış
hazırlıq işləri, əsasən,
qurtarmışdır. 11 kilometrdən
çox məsafədə 240 min ədəd müxtəlif
növ ağac əkiləcəkdir. Bunlardan
35 mini sərv və şam, 90 mini zeytun, qalanları isə
akasiya, nar və digər ağac növləri olacaqdır.
Layihəyə uyğun olaraq, burada suvarma sistemi
də quraşdırılmışdır. Oktyabr ayının 25-dən sonra həmişəyaşıl
ağacların əkilməsinə
başlanılmışdır. İndiyə
qədər 40 mindən artıq ağac əkilmişdir.
İndi təşkil olunmuş iməcilikdə
nazirliyin müxtəlif idarə və təşkilatlarının
500-dən artıq əməkdaşı iştirak etmiş, 6
hektar ərazidə körpə ağaclar
basdırılmışdır.
Prezident İlham
Əliyev ərazinin
yaşıllaşdırılması layihəsi ilə
tanışlıqdan sonra özü də ağac əkdi və
su verdi.
AzərTAc
Azərbaycan.-2008.-9 noyabr.-S.1.