Bakıda Azərbaycan-Liviya Hökumətlərarası Komissiyasının ilk iclası başlanmışdır

AzərTAc xəbər verir ki, noyabrın 25-də Bakıda Azərbaycan-Liviya Hökumətlərarası Komissiyasının ilk iclası başlanmışdır.

Noyabrın 27-dək davam edəcək tədbirin birinci günü işçi qruplarının iclası keçirilir.

Azərbaycanın Xarici İşlər Nazirliyindən bildirmişlər ki, komissiyanın həmsədrləri Azərbaycan tərəfdən xarici işlər nazirinin müavini Xələf Xələfov, Liviya Ərəb Sosialist Xalq Cəmahiriyyəsi tərəfdən isə bu ölkənin xarici siyasət idarəsinin rəhbərinin müavini Məhəmməd Əl Barranidir.

İclasda Azərbaycan-Liviya iqtisadi əlaqələrinin inkişafı məsələləri müzakirə edilir.

Azərbaycan.-2008.-26 noyabr.-S.3.