AzərTAc-ın xüsusi
müxbiri xəbər
verir ki, noyabrın 28-də Məxdumgulu
adına Türkmənistan Dövlət
Universitetində Azərbaycan
Prezidenti İlham Əliyevə bu ali məktəbin fəxri professoru adı verilməsinə həsr olunmuş mərasim keçirilmişdir.
Azərbaycan Prezidentini Türkmənistanın
təhsil naziri Məhəmmədgəldi Annaamanov,
universitetin rektoru Çaryad Tugiyev səmimiyyətlə qarşıladılar. Dövlətimizin başçısına gül
dəstəsi təqdim
olundu.
Prezident İlham
Əliyev əvvəlcə
universitetin foyesində
Türkmənistanın tarixini
və bugünkü həyatını əks etdirən fotosərgi ilə
Universitetin akt salonunda keçirilən
mərasimə toplaşanlar
Azərbaycan Prezidenti İlham Əliyevi sürəkli alqışlarla
qarşıladılar.
Universitetin rektoru Çaryad Tugiyev mərasimi açaraq dedi ki, bu
gün universitetin həyatında tarixi hadisədir. Elmi şura iki ölkə arasında humanitar əlaqələrin
inkişafında müstəsna
xidmətlərinə görə
Azərbaycan Prezidenti İlham Əliyevə universitetin fəxri professoru adı verilməsi barədə qərar qəbul etmişdir.
Rektor Azərbaycan Prezidenti İlham Əliyevə universitetin fəxri professoru diplomunu və türkmən milli geyimi təqdim
etdi.
Prezident İlham Əliyev universitetin professor-müəllim
kollektivi qarşısında
çıxış edərək,
ona göstərilən
bu etimada görə minnətdarlığını
bildirdi. Dövlətimizin başçısı Türkmənistana rəsmi
səfəri çərçivəsində
keçirdiyi görüşlərdə
müzakirə olunan məsələlərdən danışdı,
Azərbaycan və Türkmənistanın beynəlxalq
təşkilatlar çərçivəsində
də uğurla əməkdaşlıq etdiyini
vurğuladı.
Prezident İlham
Əliyev təhsilin əhəmiyyətinə toxunaraq
dedi ki, heç bir ölkə təhsil olmadan inkişaf edə bilməz. Türkmənistanda təhsilin inkişafına
yetirilən diqqəti
yüksək qiymətləndirən
dövlətimizin başçısı
bildirdi ki, Azərbaycanda da bu sahədə böyük işlər görülür. Son beş ildə Azərbaycanda 1600 orta məktəb binası tikilmişdir, təhsil islahatları həyata keçirilir.
(Mərasim haqqında geniş hesabat qəzetdə dərc
olunacaqdır).
Azərbaycan.-2008- 29 noyabr.-S.3.