ATƏT-in Minsk qrupunun həmsədrləri regiona səfərlərinin yekunu ilə bağlı bəyanat yaymışlar

ATƏT-in Minsk qrupunun həmsədrləri Yuri Merzlyakov (Rusiya), Bernar Fasye (Fransa) və Robert Bradke (ABŞ) regiona səfərlərinin yekunu ilə bağlı bəyanat yaymışlar.

ATƏT-in rəsmi saytında yerləşdirilmiş bəyanatda deyilir ki, Minsk qrupunun həmsədrləri noyabrın 4-6-da Azərbaycan və Ermənistanda səfərdə olmuşlar. Onlar noyabrın 5-də Bakıda Azərbaycan Prezidenti İlham Əliyevlə, noyabrın 6-da isə Yerevanda Ermənistan prezidenti Serj Sarkisyanla görüşmüşlər. Həmsədrlər noyabrın 6-da Prezident İlham Əliyevlə ikinci dəfə görüşmək üçün Bakıya qayıtmışlar.

Prezidentlər Dağlıq Qarabağ münaqişəsinin sülh yolu ilə həlli üçün baza prinsiplərinin razılaşdırılması istiqamətində müzakirələri davam etdirməyə hazır olduqlarını bir daha bəyan etmişlər. Dövlət başçıları həmsədrlərin növbəti görüşü təşkil etmək təklifini qəbul etmişlər.

AzərTAc

Azərbaycan.- 2009.- 8 noyabr.- S.2.