8 noyabr Bakı Metropoliteni işçilərinin
peşə bayramıdır
Zaman keçdikcə
Bakı Metropoliteninin yeni xətləri istifadəyə verilir, texniki və istismar keyfiyyəti dünya standartlarına uyğunlaşdırılır. "İçərişəhər" stansiyasının yenidən
qurulması, orada müasir eskalatorların quraşdırılması uğurla
başa çatdırılıb.
Ötən il "Memar Əcəmi" stansiyasından sonra "Nəsimi" stansiyası
istifadəyə verilib.
Bu gün həmin xəttin davamı kimi "Azadlıq prospekti" stansiyası tikilir. Bu stansiyanın ardınca "Müşfiq"
və "Dərnəgül"
elektrik deposunun işi gündəmdədir.
Yaxın gələcəkdə
"Elmlər Akademiyası"
stansiyasının ikinci
çıxışı Bakı
Dövlət Universitetinin
həyətinə, "Nizami"
stansiyasının əlavə
çıxışı isə
Akademik Milli Teatrının qarşısına
açılacaqdır. Yaxın
vaxtlarda sərnişinlər
"Sahil" stansiyasından
Nizami küçəsi
ilə Səməd Vurğun küçəsinin
kəsişməsinə və
"İçərişəhər"
stansiyasından Milli Parka çıxa biləcəklər.
Ağaəli MƏMMƏDOV
Azərbaycan.- 2009.- 8
noyabr.- S. 12.