Ərazilərin minalardan təmizlənməsi sahəsində Azərbaycan ilə Sloveniya arasında əməkdaşlıq perspektivləri müzakirə olunmuşdur

Noyabrın 9-da ANAMA-da Azərbaycan-Sloveniya Biznes Forumu çərçivəsində İqtisadi İnkişaf Nazirliyinin təşkilatçılığı ilə təhlükəsizlik üzrə "dəyirmi masa" keçirilmişdir.

Tədbirdə Azərbaycan Ərazilərin Minalardan Təmizlənməsi üzrə Milli Agentliyin (ANAMA) və Sloveniyanın Minatəmizlənmə və Minalardan Zərərçəkənlərə Yardım üzrə Beynəlxalq Etimad Fondunun, həmçinin hər iki ölkənin bu sahəyə aid "Kaspi-Yıldız", "A+A Securiti" MMC, "Roman Mursec", "Protekt-İnfra" kimi qabaqcıl şirkətlərin nümayəndələri təcrübə mübadiləsi aparmış, əməkdaşlıq imkanlarını müzakirə etmişlər.

Müzakirələrdə Azərbaycanda əlverişli investisiya mühitinin yaradıldığı qeyd edilmiş, iş adamları arasında əlaqələrin genişlənməsində belə tədbirlərin xüsusi əhəmiyyəti vurğulanmışdır.

AzərTAc

Azərbaycan.- 2009.- 10 noyabr.- S. 4.