Azərbaycan alimləri tarixi həqiqətlərin üzə çıxarılmasında ciddi təşəbbüslər göstərirlər

AMEA-nın Tarix İnstitutunun əməkdaşları istər ölkə daxilində, istərsə də xaricdə keçirilən mühüm konfranslara dəvət olunurlar. Bu yaxınlarda 15 nəfərlik heyət Dağıstanın Mahaçqala şəhərində keçirilən Rusiya və Qafqaz tarixi ilə bağlı konfransda iştirak etmişlər. Onlar böyük fəallıq göstərərək tarixi həqiqətlərin üzə çıxarılmasında ciddi təşəbbüslər irəli sürmüşlər.

Bundan başqa, institutun əməkdaşları Azərbaycanın İstanbuldakı baş konsulunun təşəbbüsü ilə Türkiyə ilə Ermənistan arasında imzalanan məlum protokollarla əlaqədar ermənilərin qonşu ölkələrə, xalqlara və dövlətlərə qarşı təcavüzkar siyasətinin tarixinə dair təşkil olunmuş konfranslara da qatılmışlar. Onlar türkiyəli tədqiqatçılarla birgə oradakı arxivləri araşdırmışlar. Bu mövzuda tapılan mühüm sənədlər konfransın materiallarına əlavə edilmişdir.

Azərbaycan.- 2009.- 13 noyabr.- S. 5.