Cavid ocağı

Salatın Əhmədlinin yenicə çapdan çıxmış "Hüseyn Cavidin ev muzeyi" adlı kitabı böyük dramaturqun ev-muzeyinə həsr edilib. Kitab maraqlı və oxunaqlı bir dillə qələmə alınıb. Burada xronoloji ardıcıllıqdan daha çox Cavid irsinə səngiməz bir məhəbbət duyulur. Cavidlər ailəsi nə qədər ağır tale yaşasa da, həqiqət sonda qələbə çalıb. Vaxtilə böyük Cavidin dediyi:

Bəni öldürsələr də, bən yaşarım,

Tərk edib xəlqi, Xaliqə qoşarım –

misraları bir daha təsdiqlədi ki, Tanrı öz yaratdığı dahiləri həmişə ölümsüzlüyə qovuşdurur. Cavid yenə də öz xalqının içindədir. Onun qəlbində və düşüncələrindədir.

Nəfis tərtibatla çap olunmuş kitabda Hüseyn Cavidin, Mişkinaz xanımın, Turan Cavidin, Ərtoğrolun, muzeydəki eksponatların şəkilləri də verilib.

Azərbaycan.- 2009.-22 noyabr.- S. 7.