Prezident İlham Əliyev Yeni Azərbaycan Partiyası Şamaxı rayon təşkilatının yeni inzibati binasının açılışında iştirak etmişdir

Noyabrın 26-da Prezident İlham Əliyev Yeni Azərbaycan Partiyası Şamaxı rayon təşkilatının inzibati binasının açılışında iştirak etmişdir.

Dövlət başçısı açılışı bildirən lenti kəsdi və bina ilə yaxından tanış oldu.

Məlumat verildi ki, bu il mayın 10-da başlanmış tikinti işləri sentyabrda başa çatdırılmışdır. Binada Yeni Azərbaycan Partiyasının qurucusu Heydər Əliyevin barelyefi qoyulmuşdur.

İkimərtəbəli binanın sahəsi 516 kvadratmetrdir. Bina lazımi avadanlıqla təchiz edilmişdir. Birinci mərtəbədə 7 iş otağı, ikinci mərtəbədə qəbul və təşkilat sədrinin iş otaqları, müşavirə zalı yerləşir. Burada partiya üzvlərinin fəaliyyəti üçün hər cür şərait yaradılmışdır.

AzərTAc

Azərbaycan.- 2009.- 27 noyabr.- S. 2.