Azərbaycan Respublikasının
Prezidenti İlham Əliyev oktyabrın 1-də
Çexiyanın Baş nazirinin müavini, müdafiə naziri
Martin Bartakın başçılıq etdiyi nümayəndə
heyətini qəbul etmişdir.
Dövlətimizin
başçısı Azərbaycan-Çexiya ikitərəfli
münasibətlərinin müxtəlif sahələrdə
uğurla inkişaf etdiyini vurğuladı. Prezident İlham Əliyev
Çexiyadan mütəmadi olaraq müxtəlif səviyyəli
nümayəndə heyətlərinin ölkəmizə səfərlərini
əlaqələrimizin yaxşı göstəricisi kimi dəyərləndirdi.
Dövlətimizin başçısı bu il Çexiyaya səfərini
xatırlatdı və ölkələrimiz arasında intensiv
dialoqun aparılmasının əhəmiyyətini qeyd etdi. Azərbaycan
Prezidenti əmin olduğunu bildirdi ki, Çexiyanın Baş
nazirinin müavini, müdafiə nazirinin ölkəmizə bu
səfəri də Azərbaycan ilə Çexiya arasında
münasibətlərin daha da möhkəmlənməsi
işinə xidmət edəcəkdir.
Ölkələrimiz
arasında əlaqələrin daha sıx xarakter
aldığını müsbət hal kimi qiymətləndirən
Martin Bartak dedi ki, biz bu regionda Azərbaycana çox sabit bir
ölkə kimi baxırıq. Qonaq ölkəsinin Azərbaycan
ilə münasibətlərə böyük önəm
verdiyini vurğuladı və ümid etdiyini bildirdi ki, digər
sahələrdə olduğu kimi, hərbi sahədə də əməkdaşlığımız
daha da genişlənəcəkdir.
AzərTAc
Azərbaycan.- 2009.- 2 oktyabr.- S. 1.