Azərbaycan
Respublikasının Prezidenti İlham Əliyev oktyabrın 5-də
Pakistan Silahlı Qüvvələrinin Birləşmiş Qərargahlar
Komitəsinin sədri, general Tariq Məcidin
başçılıq etdiyi nümayəndə heyətini qəbul
etmişdir.
Azərbaycana ilk dəfə
gəldiyini, səfəri zamanı yüksək qonaqpərvərliklə
qarşılandığını deyən Tariq Məcid Azərbaycanın
gözəl bir ölkə olduğunu, burada qardaşlıq
hissləri keçirdiyini dedi.
Dövlət
başçısı ölkələrimiz arasında
münasibətlərin uğurla inkişaf etdiyini bildirdi, Azərbaycan
ilə Pakistanın yaxın tərəfdaş və müttəfiq
ölkələr olduğunu vurğuladı. Pakistanın Azərbaycan
üçün dost və qardaş ölkə olduğunu deyən
Prezident İlham Əliyev əlaqələrimizin bundan sonra da
bütün istiqamətlərdə, o cümlədən hərbi
əməkdaşlıq sahəsində genişlənəcəyinə
ümidvar olduğunu qeyd etdi. Dövlətimizin
başçısı Pakistan Silahlı Qüvvələrinin
Birləşmiş Qərargahlar Komitəsinin sədrinin
ölkəmizə səfərinin münasibətlərimizin
daha da möhkəmlənməsi işinə xidmət edəcəyinə
əminliyini ifadə etdi.
AzərTAc
Azərbaycan.- 2009.- 6 oktyabr.- S. 1.