2009-cu ilin yanvar-avqust aylarının nəticələrinə görə MDB ölkələri arasında Azərbaycanda sənaye məhsulu istehsalında artım qeydə alınmışdır

MDB-nin Dövlətlərarası Statistika Komitəsinin məlumatında bildirilir ki, 2009-cu ilin yanvar-avqust aylarının nəticələrinə görə MDB ölkələri arasında Azərbaycanda ötən ilin müvafiq dövrü ilə müqayisədə sənaye məhsulu istehsalının 3,9 faiz artımı qeydə alınmışdır.

Sənaye məhsulu istehsalında Ukraynada 29,6 faiz, Moldovada 24,6 faiz azalma olmuşdur.

Rusiya sənaye məhsulu istehsalı sürətinin azalmasına görə (14 faiz) MDB ölkələri arasında üçüncü yeri tutur. Sənaye məhsulu istehsalı Qırğızıstanda 12,7, Ermənistanda 11,9, Tacikistanda 11,4, Belarusda 4,6, Qazaxıstanda isə 1,5 faiz azalmışdır.

2009-cu ilin yanvar-avqust aylarında MDB ölkələri üzrə sənaye məhsulu istehsalının səviyyəsi orta hesabla 14 faiz, ümumi daxili məhsulun miqdarı isə ötən ilin müvafiq dövrü ilə müqayisədə 9 faiz aşağı düşmüşdür.

Asya HACIZADƏ,

AzərTAc-ın xüsusi müxbiri

Moskva

Azərbaycan.- 2009.- 7 oktyabr.- S.1.