Efir məkanının vəziyyəti ilə bağlı
"dəyirmi masa" keçirilmişdir
Oktyabrın 13-də Azərbaycan
Respublikasının Prezidenti yanında Qeyri-Hökumət Təşkilatlarına
(QHT) Dövlət Dəstəyi Şurası və Milli
Televiziya və Radio Şurasının (MTRŞ) birgə təşkilatçılığı
ilə "Azərbaycanın efir məkanında mövcud vəziyyət"
mövzusunda "dəyirmi masa" keçirilmişdir. Milli
Məclisin deputatlarının, teleradio şirkətlərinin,
aparıcı mətbuat orqanlarının və QHT rəhbərlərinin
iştirak etdiyi tədbiri QHT-lərə Dövlət Dəstəyi
Şurasının sədri, Milli Məclisin deputatı Azay
Quliyev açmışdır. Mövzu haqqında ətraflı
məlumat verilmişdir.
Milli Məclisin deputatları Məlahət
Həsənova, Sabir Rüstəmxanlı, Fəzail
İsmayılov, Fazil Mustafayev, MTRŞ-nin sədri Nuşirəvan
Məhərrəmli, teleradio şirkətlərinin və QHT-lərin
nümayəndələri mövzu ilə bağlı
çıxış etmişlər. Azərbaycanın efir məkanındakı
problemlərin aradan qaldırılması məqsədilə
bir sıra təkliflər səslənmişdir.
AzərTAc
Azərbaycan.- 2009.- 14 oktyabr.- S. 4.