ARDNŞ ilə Rusiyanın
"Qazprom" ASC arasında
Azərbaycan qazının
alqı-satqısı
haqqında müqavilə
imzalanmışdır
Oktyabrın 14-də Azərbaycan Respublikası
Dövlət Neft Şirkətində (ARDNŞ) Azərbaycan
təbii qazının
alqı-satqısı
üzrə ARDNŞ ilə
Rusiyanın "Qazprom"
Açıq Səhmdar
Cəmiyyəti arasında
müqavilə imzalanmışdır.
Qonaqları salamlayan
ARDNŞ prezidenti Rövnəq
Abdullayev rəhbərlik
etdiyi şirkətlə
Rusiyanın "Qazprom"
ASC arasında sıx əməkdaşlıq əlaqələrinin
olduğunu bildirmiş,
bu müqavilədən
sonra münasibətlərin
daha da inkişaf
edəcəyinə əminliyini
vurğulamış, şirkətlər
tərəfindən Avropa və Asiya yanacaq bazarlarında
birgə əməkdaşlığın
hər iki tərəf üçün
səmərəli olacağını
qeyd edmişdir. Müqavilə hazırlanarkən hər iki tərəfin
ekspertlərinin səmərəli
çalışdığı, müqavilənin yüksək
dividendlər gətirəcəyi,
razılaşdırılmış ilkin həcmin yaxın gələcəkdə
artacağı, əldə
olunacaq mənfəətin
xalqlarımızın mənafeyinə
xidmət edəcəyi qeyd olunmuşdur.
"Qazprom" ASC-nin İdarə Heyətinin prezidenti Aleksandr Miller iki şirkət
arasında əməkdaşlığın
xalqlar arasında münasibətlərə müsbət
təsir edəcəyini
bildirmiş, imzalanacaq
müqavilənin davamlı
olacağını, ilkin
həcmin gələcəkdə
artırılmasının tamamilə real olduğuna əminliyini ifadə etmişdir.
Sonra müqavilə
imzalanmışdır. Müqaviləni
Azərbaycan tərəfdən
ARDNŞ prezidenti Rövnəq
Abdullayev, Rusiya tərəfdən "Qazprom"
ASC İdarə Heyətinin
prezidenti Aleksandr Miller imzalamışlar.
AzərTAc
Azərbaycan.- 2009.- 15 oktyabr.- S. 7.