Azərbaycanın Dövlət bayrağına hörmətsizlik edilməsi ilə əlaqədar Türkiyəyə rəsmi etiraz bildirilmişdir

Oktyabrın 15-də Azərbaycanın xarici işlər nazirinin müavini Araz Əzimov Türkiyənin Bakıdakı səfirliyinin müvəqqəti işlər vəkili Nihat Civaneri Xarici İşlər Nazirliyinə dəvət etmişdir.

Nazirliyin mətbuat xidmətindən demişlər ki, görüşdə cari il oktyabrın 14-də Türkiyənin Bursa şəhərində keçirilmiş Türkiyə-Ermənistan futbol oyunu əsnasında Azərbaycan Respublikasının Dövlət bayrağına hörmətsizlik edilməsi ilə əlaqədar rəsmi etiraz bildirilmişdir.

AzərTAc

Azərbaycan.- 2009.- 16 oktyabr.- S. 3.