Polşa Prezidenti
Polşa-Azərbaycan münasibətlərinin inkişafındakı
xidmətlərinə görə
Azərbaycanın bir qrup vəzifəli şəxsini təltif etmişdir
Oktyabrın 16-da Polşanın Bakıdakı
səfirliyində Polşa
Prezidentinin Polşa-Azərbaycan münasibətlərinin
inkişafına göstərdikləri
xidmətlərə görə
Azərbaycanın bir qrup vəzifəli şəxsinə mükafatların
təqdimat mərasimi
keçirilmişdir.
Azərbaycan Xarici İşlər Nazirliyinin
mətbuat xidmətindən
bildirmişlər ki, bir sıra mətbu
orqanlarda mükafat alanların adları və vəzifələri
düzgün göstərilməmişdir.
Nazirlikdən bildirilir
ki, Polşa Prezidentinin sərəncamı
ilə Azərbaycanın
xarici işlər naziri Elmar Məmmədyarov,
sənaye və energetika naziri Natiq Əliyev "Komandor" ordeni, Prezident Administrasiyasının
xarici əlaqələr
şöbəsinin müdiri
Novruz Məmmədov, Prezident Administrasiyasının
protokol xidmətinin rəisi Elçin Bağırov, Heydər
Əliyev Fondunun icraçı direktoru Anar Ələkbərov, XİN-in birinci ərazi idarəsinin rəisi Rəhman Mustafayev, dövlət protokol idarəsinin rəisi Pərvin Mirzəzadə, Yeni Azərbaycan Partiyası sədrinin müavini, icra katibi Əli
Əhmədov, Bakı
Slavyan Universitetinin rektoru Kamal Abdullayev
"Kavaler" ordeni,
daxili işlər naziri Ramil
Usubov, milli təhlükəsizlik naziri
Eldar Mahmudov, xarici işlər nazirinin müavini Xələf Xələfov
"Böyük zabit"
ordeni, Azərbaycan Dövlət Filarmoniyasının
direktoru Murad Adıgözəlzadə isə
"Qızıl Xaç"
ordeni ilə təltif olunmuşlar.
AzərTAc
Azərbaycan.- 2009.- 18 oktyabr.- S. 1.