Birləşmiş Millətlər Təşkilatından Azərbaycana minnətdarlıq

BMT Baş katibinin idarəetmə məsələləri üzrə müavini Ancela Keyn bildirmişdir ki, Birləşmiş Millətlər Təşkilatı sülhməramlı əməliyyatlara və qurumun maliyyələşdirilməsinə verdiyi töhfəyə görə Azərbaycana minnətdardır. Hazırda BMT-nin daimi büdcəsi, tribunal və kapital fondları dolmaqdadır. Lakin üzvlük haqqını tam ödəyən ölkələrin sayı bu il bir qədər azalmışdır. Məsələn, Ermənistan BMT-nin builki sülhməramlı əməliyyatlar üçün ödəmələrinin bir hissəsini hələ də keçirməmişdir.

Oktyabrın 13-ə olan vəziyyətə görə, sülhməramlı əməliyyatlar üçün ödənilməmiş ümumi məbləğ 2,1 milyard dollar təşkil etmişdir. Bu məbləğ ötənilkinə nisbətən 763 milyon dollar azdır.

AzərTAc

Azərbaycan.- 2009.- 20 oktyabr.- S. 6.