Murmanskda Müslüm Maqomayevin xatirə gecəsi keçirilmişdir

 

Müslüm Maqomayevin ölümündən bir il ötdü. Müslüm Maqomayev heç vaxt Murmanskda yaşamasa da, burada onu haqlı olaraq öz həmvətənləri saymış indi sayırlar. Müslüm Murmanska gəlməyi çox sevirdi. Qəhrəman şəhərdə sonuncu dəfə 1995-ci ildə vida qastrolunda olmuşdu.

Azərbaycan jurnalisti Əlihüseyn Şükürov xəbər verir ki, Ümumrusiya Azərbaycan Konqresinin Murmansk vilayət bölməsində böyük müğənniyə onun vəfatının ildönümünə həsr olunmuş xatirə gecəsi keçirilmişdir. Murmansk vilayətindəki bütün diaspor nümayəndələrinin, KİV əməkdaşlarının bir araya gəldiyi gecədə azərbaycanlıların bütün rusiyalıların yaddaşında silinməz iz qoyub getmiş, şöhrəti bütün dünyaya yayılmış bir insanın parlaq yaradıcılığından danışılmışdır. Müslümün portretindən onun təbəssüm dolu siması gecənin iştirakçılarını salamlayır, yalnız evindəki studiyada yazmağa macal tapdığı Sergey Yeseninin sözlərinə bəstələnmiş "Əlvida, Bakı!" adlı son nəğməsi isə dərin kədər hissi doğururdu.

 

 

AzərTAc

 

Azərbaycan.- 2009.- 28 oktyabr.- S. 2.