Bakıda Açıq Media Günü keçirilmişdir

Şirkətin Bakıdan kənarda Qaradağdakı ofisində bir qrup yerli jurnalistin iştirakı ilə keçirilən görüşə qrup baş müdiri Ian Spottiswood və şirkətin digər nümayəndələri qatılmışlar.

Tədbir zamanı auditoriyaya MSCS-in son nailiyyətləri, işin nəticələri və xüsusilə Xəzər regionunda irəliyə doğru addımlarının strategiyası təqdim olundu. Təqdimatdan sonra şirkət rəhbərləri jurnalistləri maraqlandıran sualları cavablandırdılar.

Media nümayəndələrini salamlayaraq onlarla açıq dialoqdan məmnun olduğunu deyən şirkət rəhbəri qeyd etdi ki, biz bölgədə fəaliyyət göstərmək məqsədilə qarşımızda duran vəzifələrdən və vədlərdən həvəslənir, MSCS-in MDB və xüsusən də Xəzər regionunda işinin inkişaf etdirilməsini və genişləndirilməsini arzulayırıq. Azərbaycan bazarının inkişafı mövqeyimizi gücləndirəcək və şirkətə yerli iqtisadiyyata töhfə vermək, o cümlədən irəliyə doğru getmək imkanını yaradacaqdır.

Şirkət 1975-ci ildə Nigeriyanın Laqos şəhərində gömrük rəsmiləşdiricisi kimi təsis edilmişdir. Bazarda olan tələb şirkətə 1981-ci ildə Londonun Heathrow hava limanında Murphy Shipping & Commercial Service Limited (MS&CSL) adı altında açılmasından öncə bir çox digər yerlərdə genişlənməyə imkan yaratdı. London filialının fəaliyyəti göstərdiyimiz xidmətlərin müxtəlifləşdirilməsi və Avropa, ABŞ və Mərkəzi Asiyada daha geniş şəkildə yayılması məqsədilə başlanğıc nöqtə kimi özünü doğrultmuşdur. 1993-cü ildə Murphy Shipping & Commercial Services Azərbaycanda, Bakıda öz ofisini açmış ilk xarici fraxt şirkəti oldu. Bu gün dünyanın müxtəlif guşələrində yerləşən qrupun 12 ofisində 350-dən artıq işçi qablaşdırma, izlənilmə və marşrutla müşayiət imkanlarını təmin edən "online" logistika sistemi mövcuddur. Xidmətlərimiz gömrükdə rəsmiləşdirmədən tutmuş "açar" prinsipi əsasında fraxtla daşınma xidmətləri layihələrə qədər müxtəlifdir.

Azərbaycan.- 2009.- 28 oktyabr.- S. 7.