Fələstinin xarici işlər
naziri Riyad Əl-Malki "İçərişəhər"lə tanış olmuşdur
Bakıda səfərdə
olan Fələstin Muxtariyyətinin xarici işlər naziri Riyad Əl-Malki
oktyabrın 29-da "İçərişəhər"lə tanış olmuşdur.
Gəzinti zamanı
"İçərişəhər"
Dövlət Tarix-Memarlıq Qoruğu İdarəsinin rəisi Mikayıl Cabbarov qonağa dünya şəhərsalma sənətinin
nadir nümunəsi, YUNESKO-nun "Dünya Mədəni İrs Siyahısı"na daxil edilmiş bu mədəni abidə, habelə burada aparılan son təmir, abadlaşdırma və restavrasiya işləri barədə ətraflı
məlumat vermişdir.
Gəzinti dünya əhəmiyyətli tarix-memarlıq abidəsi olan "Şirvanşahlar
Sarayı Kompleksi"
ilə tanışlıqdan
başlamışdır. Qonağa məlumat
verilmişdir ki, tikintisi XII əsrdən başlayan və əsasən XV əsrdə
başa çatdırılan
Şirvanşahlar Sarayı
Ansamblı müxtəlif
səviyyələrdə yerləşən
3 daxili həyətdən
ibarətdir. Şamaxıda
XII əsrdə baş
vermiş zəlzələ
səbəbindən Şirvanşahlar
dövlətinin
paytaxtı Bakıya köçürülmüş və burada sarayın inşasına başlanılmışdır.
Azərbaycanın Mərkəzi
Asiyanın müxtəlif
ölkələri ilə
ticarət əlaqələrinin
sübutu olan - Buxara Karvansarası, Hindistanla iqtisadi-mədəni əlaqələrindən
xəbər verən Multanı Karvansarası ilə tanışlıqla
gəzinti davam etdirilmişdir.
Bakının simvolu əzəmətli Qız Qalasının tarixi barədə dolğun məlumat qonağın heyranlığına səbəb
olmuşdur.
Gəzintinin sonunda Fələstin xarici işlər naziri fəxri qonaqlar kitabına öz ürək sözlərini
qeyd etmişdir.
AzərTAc
Azərbaycan.- 2009.- 30 oktyabr.- S. 5.