Prezident İlham
Əliyev Ağsu Rayon İcra Hakimiyyətinin inzibati binasının açılışında
iştirak etmişdir
Oktyabrın 29-da Azərbaycan
Prezidenti İlham Əliyev Ağsu Rayon İcra Hakimiyyətinin inzibati binasının açılışında
iştirak etmişdir.
Dövlətimizin başçısına
məlumat verildi ki, rayon icra
hakimiyyətinin inzibati
binasının tikintisinə
1987-ci ildən başlanmış,
inşaat işləri
1990-cı ilə qədər davam etdirilmişdir. Maliyyə vəsaiti çatışmazlığından
işlər dayandırılmışdır.
1991-1992-ci illərdə bina
baxımsızlıq ucbatından
tamamilə yararsız
hala düşmüşdür.
Keçən il binanın inşası üçün 516 min manat vəsait ayrılmış və tikinti-bərpa işləri yüksək
səviyyədə yerinə
yetirilmişdir.
Binanın tikintialtı
sahəsi 660 kvadratmetr,
yardımçı tikililərin
sahəsi isə 264 kvadratmetrdir. Yardımçı
tikililər avtomobil qarajı, qazanxana, transformator yarımstansiyası
və yanğından
mühafizə üçün
su anbarından ibarətdir.
Bina üçmərtəbəli
olmaqla 35 iş otağından, 2 iclas zalından ibarətdir.
Bütün iş otaqları mebellə, kompüterlə və digər müasir avadanlıqla təmin olunmuşdur.
İnzibati binanın ətrafında və həyətində 4476 kvadratmetr
yaşıllıq salınmış
və bəzək kolları əkilmiş, fəvvarə tikilmiş, istirahət köşkləri
quraşdırılmış və müasir yol çəkilmişdir.
Dövlətimizin başçısı
görülmüş işləri
yüksək qiymətləndirdi,
tapşırıq və
tövsiyələrini verdi.
Azərbaycan.- 2009.- 31 oktyabr.- S. 2.