Ölkə Prezidenti
İlham Əliyevin sərəncamına əsasən,
"2007-2015-ci illərdə Azərbaycan gənclərinin
xarici ölkələrdə təhsili üzrə Dövlət
Proqramı" çərçivəsində dünyanın
nüfuzlu ali məktəblərinə qəbul olunmuş tələbələrin
bütün xərcləri dövlət tərəfindən
ödənilir.
Oğlum Turalın
Kanadanın Toronto Universitetinin oftalmologiya üzrə
doktoranturasına qəbul olunması və təhsil müddətindəki
bütün xərclərin dövlətimiz tərəfindən
ödənilməsi ailəmizin böyük sevincinə səbəb
olmuşdur.
Zamanında ulu öndərin
və akademik Zərifə Əliyevanın mənim təhsilimdə
və həyatdakı uğurlarımda böyük rolu
olmuşdur. Ümummilli lider Heydər Əliyevin şəxsi təşəbbüsü
ilə Moskva şəhərinə aspirantura və doktoranturaya
göndərilən gənclərin sırasında mən də
olmuşam. Azərbaycanımızın birinci şəxsi,
sovet dövlətinin rəhbərlərindən biri
vaxtının məhdudluğuna baxmayaraq, Moskvada təhsil alan
gənclərlə vaxtaşırı görüşüb
qayğılarımızla maraqlanar, problemlərimizi həll
edərdi.
1984-cü ildə elm sahəsində
Ümumittifaq Lenin Komsomolu mükafatına layiq görüləndə
ulu öndər telefonla məni təbrik etmişdi. Sonralar
uğurlar qazandıqca bu böyük insan vaxt tapıb məni
təbrik edərdi.
Tanınmış
oftalmoloq, akademik Zərifə xanım Əliyevanın mənim
elmi taleyimdə əvəzsiz rolu olub. Onun işıqlı
xatirəsi mənim üçün həmişə əzizdir.
Qürur və fərəh
duyuram ki, indi də bu qayğını oğlum hiss edir. Azərbaycan
ziyalısı kimi dövlətimizin başçısına
və Mehriban xanım Əliyevaya Azərbaycanın inkişafı
naminə və gənclərə göstərdikləri
bütün səylərə görə dərin təşəkkürümü
bildirirəm.
Paşa QƏLBİNUR,
ATU-nun Oftalmologiya
kafedrasının müdiri,
professor
Azərbaycan.- 2009.- 2 sentyabr.-
S. 3.