YAP Suraxanı rayon təşkilatında seçki qərargahı yaradılmışdır

Bələdiyyə seçkiləri ilə bağlı Yeni Azərbaycan Partiyası (YAP) Suraxanı rayon təşkilatında seçki qərargahı yaradılmışdır.

Bu barədə məlumat verən rayon təşkilatının sədri Vüqar Seyidov bildirmişdir ki, seçki qərargahına partiyanın ən fəal üzvləri cəlb olunmuşdur.

Hazırda rayon təşkilatında 103 ilk partiya təşkilatı fəaliyyət göstərir. Təşkilat üzvlərinin sayı isə 6400 nəfərdir.

V.Seyidov əmin olduğunu bildirmişdir ki, təşkilat üzvləri bələdiyyə seçkilərində üzərlərinə düşən vəzifələrin öhdəsindən layiqincə gələ biləcəklər.

Qeyd edək ki, Suraxanı rayonunda 6 qəsəbə bələdiyyəsi fəaliyyət göstərir və seçkilər bu yerli özünüidarəetmə strukturları üzrə keçiriləcəkdir.

Azərbaycan.- 2009.- 3 sentyabr.- S. 3.