YAP-ın mərkəzi qərargahında Kubanın ölkəmizdəki səfiri ilə görüş olmuşdur

Sentyabrın 3-də Yeni Azərbaycan Partiyası (YAP) sədrinin müavini-icra katibi, Milli Məclisin deputatı Əli Əhmədov partiyanın mənzil-qərargahında Kuba Respublikasının Azərbaycandakı səfiri Marselo Kabalyero Torres ilə görüşmüşdür.

Görüşdə Azərbaycan-Kuba münasibətlərinin mövcud səviyyəsi və pespektivləri barədə ətraflı fikir mübadiləsi aparılmış, iki ölkə arasında əlaqələrin inkişaf etdirilməsi imkanları qeyd olunmuşdur.

Əli Əhmədov Prezident İlham Əliyevin rəhbərliyi altında ölkəmizin son illərdə əldə etdiyi sosial-iqtisadi uğurlar, ictimai həyatın bütün sahələrində qazanılan nailiyyətlər, həmçinin YAP-ın fəaliyyəti barədə qonağa geniş məlumat vermişdir.

Marselo Kabalyero Torres Kubanın Ermənistan-Azərbaycan, Dağlıq Qarabağ münaqişəsinin ədalətli həlli prinsipini birmənalı olaraq dəstəklədiyini vurğulamışdır.

YAP icra katibinin müavini Mübariz Qurbanlı görüşdə iştirak etmişdir.

AzərTAc

Azərbaycan.- 2009.- 5 sentyabr.- S. 2.