Sentyabrın 7-də Azərbaycan
Respublikasının Prezidenti İlham Əliyev Bakı
yollarında aparılan yenidənqurma və təmir-bərpa
işləri ilə tanış olmuşdur.
Azərbaycanın hər
bir yerində abadlıq və quruculuq işlərinin
aparılması Prezident İlham Əliyevin
yürütdüyü siyasətin mühüm hədəflərindəndir.
Paytaxtda yol-nəqliyyat sisteminin təkmilləşdirilməsi,
yeni yolötürücülərinin tikilməsi, magistral
yolların salınması, yeraltı keçidlərin istifadəyə
verilməsi sosialyönümlü tədbirlər olmaqla, həm
də ölkəmizin iqtisadi qüdrətinin nümayişi
baxımından əlverişli imkanlar açır.
Dövlətimizin
başçısının tapşırıq və
tövsiyələrinə uyğun olaraq, Bakının
küçə və prospektlərində əsaslı şəkildə
yenidənqurma və təmir-bərpa işləri davam
etdirilir. Yusif Səfərov küçəsindən
başlayaraq Üzeyir Hacıbəyli və Puşkin
küçələri, Azadlıq prospekti də daxil olmaqla,
bütün yollara dünya standartlarına uyğun ikiqat asfalt
döşənmişdir.
Prezident İlham Əliyevə
məlumat verildi ki, asfalt örtüyünün üzərinə
iki millimetr qalınlığındakı yol-nişanlama xətlərinin
çəkilişində istifadə edilən boya Fransa
istehsalıdır və uzunmüddətlidir. Gecələr
işıq saçan bu xətlər nəqliyyat vasitələrinin
rahat və təhlükəsiz hərəkətinə
müsbət təsir göstərəcəkdir. Qeyd
olunmuşdur ki, bütün yol boyu səkilərə qranit
döşənmişdir. Bu cür qranit paytaxt yollarında ilk
dəfə istifadə olunur. Yola asfalt döşənməzdən
əvvəl bütün kommunikasiya xətləri, kanalizasiya
sistemi də yeniləşdirilmişdir. Bu zaman Almaniya
istehsalı olan avadanlıqdan istifadə edilmişdir.
Küçələrdəki işıq dirəkləri təzələnmişdir.
Cavanşir körpüsündə təmir-bərpa işləri
aparılmışdır.
Üzeyir Hacıbəyli
küçəsində aparılan təmir işləri ilə
maraqlanan Prezident İlham Əliyevə məlumat verildi ki, ətrafdakı
binaların fasadları da milli ornamentlərə uyğun yenidən
bərpa olunur.
Qeyd edilmişdir ki, təmir
işləri Zərifə Əliyeva küçəsində,
Neftçilər, Parlament və Hüseyn Cavid prospektlərində
də aparılır.
Müasir standartlara
uyğun aparılan bu işlər gündən-günə
gözəlləşən paytaxtımızın simasına
xüsusi yaraşıq verəcəkdir. Bu işləri
Prezident İlham Əliyevin tapşırıqlarına əsasən
Bakı Şəhəri İcra Hakimiyyəti həyata
keçirir.
AzərTAc
Azərbaycan.- 2009.- 8 sentyabr.- S. 1.