Sentyabrın 9-da Prezident
İlham Əliyev və xanımı Mehriban Əliyeva Azərbaycan
Milli Elmlər Akademiyasının Akademiya şəhərciyindəki
parkın əsaslı təmir və yenidənqurmadan
sonrakı vəziyyəti ilə tanış olmuşlar.
Dövlətimizin
başçısına parkda görülmüş işlər
barədə ətraflı məlumat verildi.
Bildirildi ki, 2 hektara
yaxın ərazisi olan parkda yenidənqurma işləri mükəmməl
layihə əsasında reallaşdırılmış, milli
memarlıq üslubu ilə beynəlxalq təcrübə
böyük peşəkarlıqla
uzlaşdırılmışdır. Buradakı rəngarənglik
orijinal mənzərə yaradır. Parkın gəzinti sahələri
tamamilə yenilənmiş, bu ərazilərə xaricdən gətirilmiş
950 kvadratmetrdən çox qranit və ağ mərmər
döşənmiş, 870 kvadratmetr sahədə
yaşıllaşdırma işləri
görülmüşdür. Hollandiyadan gətirilmiş 10
mindən çox dekorativ güldən müxtəlif
kompozisiyalar yaradılmışdır.
İstirahət
ocağının mərkəzində diametri 24 metr olan fəvvarə
parka xüsusi yaraşıq verir. Fəvvarənin avtomatik
qaydada işləyən su nasosu İtaliya və Almaniya
istehsalıdır. Parkın yenidən qurulmuş suvarma sistemi
də avtomatik qaydada işləyir. Yaşıllıqların
suvarılması və fəvvarə üçün su 55
metr dərinliyə qazılmış yeni quyudan təmin
olunur.
Parkda müasir
işıqlandırma sistemi quraşdırılmış,
yeni oturacaqlar qoyulmuşdur.
Yenidənqurma işlərini
Prezident İlham Əliyevin tapşırığı və
tövsiyəsi əsasında Bakı Şəhər İcra
Hakimiyyəti həyata keçirmişdir. Burada görülən
işlər Azərbaycanda aparılan yenidənqurma tədbirlərinin
miqyası, yüksək keyfiyyəti və ardıcıl
xarakter daşıması barədə dolğun təəssürat
yaradır.
Görülmüş
işlərlə yaxından tanış olan Prezident İlham Əliyev
əlavə tapşırıq və tövsiyələrini
verdi.
AzərTAc
Azərbaycan.- 2009.- 10 sentyabr.- S.1.