NDU-nun rektoru, Milli Məclisin
deputatı, akademik İsa Həbibbəyli qeyd etmişdir ki,
müstəqil Azərbaycan dövləti Heydər Əliyevin
şah əsəridir. Azərbaycançılıq ideologiyasının müəllifi
Heydər Əliyevdir. Azərbaycan xalqı bu gün Heydər Əliyev
yolu ilə gedərək, inkişaf etməyin nümunəsini
bütün dünyaya göstərir. Heydər Əliyev bir
ölkənin çərçivəsinə sığan
şəxsiyyət deyil. Onun adı dünya siyasətçilərinin
adı ilə bir sırada çəkilir.
Heydər Əliyev
öz siyasi fəaliyyətində daim Türkiyə dövlətinə
böyük önəm vermişdir. Sədərək-Dilucu
körpüsünün açılışı təkcə
Türkiyəyə yox, Azərbaycanın bütün Avropaya
açılan qapısıdır. Ulu öndərin vaxtilə
Türkiyə parlamentindəki çıxışında irəli
sürdüyü "Bir millət, iki dövlət"
ideyası əsrlər boyu yaşayacaq bir aforizmdir.
AMEA Naxçıvan
Bölməsinin sədri, akademik İsmayıl Hacıyev
"Atatürk və Heydər Əliyev: tarixi missiyalarda
oxşarlıq" mövzusunda çıxış
etmişdir. Qeyd
olunmuşdur ki, böyük dövlət xadimlərinin hər
ikisi may ayında anadan olmuş, hər ikisinin atasının
adı Əlirza olmuş, hər ikisinin gözlərinin rəngi,
boy ölçüləri belə oxşar olmuşdur. Hər
ikisi hərbçi kimi fəaliyyətə
başlamış, hər ikisi müəyyən missiyaları
öz üzərinə götürmüşdür. Mustafa
Kamal Atatürk çox çətin şəraitdə
Türkiyə Respublikasının banisi, türk
xalqının lideri səviyyəsinə yüksəlmişdir.
Heydər Əliyev də
müstəqil Azərbaycan Respublikasının banisidir. Türkiyədə bir çox
siyasətçilərin rəhbərlikdə olmalarına
baxmayaraq, bu gün Türkiyə deyildikdə Atatürk yada
düşür. Eyni ilə Heydər Əliyevin adı Azərbaycanla
birlikdə çəkilir. Hər ikisi siyasi fəaliyyətə
regionlardan başlamışdır. Atatürk öz siyasi fəaliyyətinə
Ərzurum və Sivasdan, Heydər Əliyev isə
Naxçıvandan başlamışdır.
Sonra Avrasiya Dostluq
Kültür və Sənət Qurumunun sədri Bahəddin
Güney çıxış edərək, Nizami və Yunis
İmrənin yaradıcılıqlarından
danışmışdır.
Simpozium işini bölmələr
üzrə davam etdirmişdir.
AzərTAc
Azərbaycan.- 2009.- 13 sentyabr.- S. 2.