"Yaponiya Beynəlxalq
Əməkdaşlıq Agentliyi və Azərbaycan
Respublikası hökuməti arasında "Kiçik şəhərlərdə
Su Təchizatı və Kanalizasiya Layihəsi"nə dair
Kredit Sazişi"nin Azərbaycan Respublikasının 2009-cu
il 30 iyun tarixli 848-IIIQ nömrəli Qanunu ilə təsdiq
olunduğunu nəzərə alaraq qərara alıram:
1. "Azərbaycan
Respublikası hökuməti və Yaponiya hökuməti
arasında "Kiçik şəhərlərdə Su Təchizatı
və Kanalizasiya Layihəsi"nə dair Kredit Sazişi
üzrə razılığın təsdiq edilməsi barədə
2009-cu il fevralın 9-da Bakı şəhərində
mübadilə edilmiş Notalar təsdiq olunsun.
2. Azərbaycan
Respublikasının Xarici İşlər Nazirliyinə
tapşırılsın ki, bu sərəncamın 1-ci bəndində
göstərilən Notaların qüvvəyə minməsi
üçün zəruri olan dövlətdaxili
prosedurların yerinə yetirilməsi barədə Yaponiya
hökumətini xəbərdar etsin.
İlham ƏLİYEV,
Azərbaycan Respublikasının Prezidenti
Bakı şəhəri, 16 sentyabr 2009-cu il
Azərbaycan.- 2009.-17
sentyabr.- S. 3.