Sentyabrın 17-də mədəniyyət
və turizm naziri Əbülfəs Qarayev Azərbaycanda səfərdə
olan Polşanın keçmiş birinci xanımı
İolanta Kvasnevska ilə görüşmüşdür.
Nazir Azərbaycan ilə
Polşa arasındakı dostluq münasibətlərindən
danışaraq vurğulamışdır ki, ölkələrimizin
mehriban münasibətləri qədim tarixə söykənir.
Ölkələrimiz arasında geniş mədəni əlaqələr
də vardır.
Xanım İolanta
Kvasnevska Bakıya ilk səfərini xatırladaraq budəfəki
səfərində paytaxtımızda çox böyük
iqtisadi yüksəlişin şahidi olduğunu, şəhərin
simasının çox gözəlləşdiyini qeyd
etmişdir.
Qonaq dövlətimizin
başçısı İlham Əliyevin və xanımı
Mehriban Əliyevanın ölkəmizin hər sahədə
inkişafı istiqamətində gördükləri işləri
yüksək qiymətləndirmişdir.
AzərTAc
Azərbaycan.- 2009.- 18 sentyabr.- S. 5.