Sentyabrın 19-da
Dövlət Neft Şirkətinin və Azərbaycan Beynəlxalq
Əməliyyat Şirkətinin rəhbərlərindən
ibarət nümayəndə heyəti Heydər Əliyev
Fondunda olmuşlar.
Qonaqlara ümummilli lider
Heydər Əliyevin xatirəsinə ehtiram əlaməti olaraq
yaradılmış fondun məqsədləri, fəaliyyəti
barədə məlumat verildi.
Peşə bayramları
ərəfəsində Heydər Əliyev Fonduna gələn
neftçilər buradakı zəngin ekspozisiya ilə
tanış oldular. Qonaqlara ümummilli liderin şəxsi
arxivindən götürülən və fəaliyyətinin
ayrı-ayrı dövrlərini əhatə edən eksponatlar,
fotoşəkillər göstərildi.
Ulu öndərin neft
strategiyası haqda məlumatlar, bu strategiyanı əks etdirən
eksponatlar böyük maraqla qarşılandı. Onlar ulu
öndərin zəkasının bəhrəsi olan və indi
onun adını daşıyan Bakı-Tbilisi-Ceyhan əsas neft
ixrac boru kəmərinin maketinə baxdılar. Bu layihənin nəinki
regionda, həm də bütün Avropada geosiyasi vəziyyətə
böyük təsir göstərdiyi vurğulandı.
Qeyd edildi ki, ulu öndərin
rəhbərliyi altında hazırlanan, sonradan isə beynəlxalq
aləmdə yüksək qiymətləndirilən "Əsrin
müqaviləsi" Azərbaycan xalqının rifahının
yaxşılaşdırılmasında yeni dövrün əsasını
qoydu. Məhz bu müqavilədən sonra dünya dövlətlərinin
Azərbaycan iqtisadiyyatına marağı artdı, ölkəmizin
beynəlxalq əlaqələrinin genişlənməsinə
güclü təkan verildi. Neft strategiyasının həyata
keçirilməsinin ilk illərində Bakı-Novorossiysk və
Bakı-Supsa boru kəmərləri yenidən quruldu, daha sonra
neftin və qazın etibarlı və irimiqyaslı
ixracını təmin etmək məqsədilə Heydər Əliyev
adına Bakı-Tbilisi-Ceyhan əsas neft ixrac və
Bakı-Tbilisi-Ərzurum qaz ixrac boru kəmərləri tikilərək
istismara verildi.
Dövlət Neft
Şirkəti və Azərbaycan Beynəlxalq Əməliyyat
Şirkətinin rəhbərlərindən ibarət nümayəndə
heyəti adından "Əsrin müqaviləsi"nin 15
illiyi münasibətilə hazırlanan qızıl medal Heydər
Əliyev Fonduna təqdim edildi.
AzərTAc
Azərbaycan.- 2009.- 20 sentyabr.- S. 2.