Türkdilli Ölkələrin
Parlament Assambleyasının Bakıda keçiriləcək
sammitinin iştirakçıları sentyabrın 28-də Heydər
Əliyev Fondunda olmuşlar.
Qonaqlara ümummilli lider
Heydər Əliyevin xatirəsinə ehtiram əlaməti olaraq
yaradılan fondun məqsədi və fəaliyyəti barədə
məlumat verilmişdir.
Bildirilmişdir ki, fond
ulu öndər Heydər Əliyevin zəngin irsini öyrənir
və təbliğ edir. Müxtəlif sosial-iqtisadi, mədəni
layihələr həyata keçirməklə Azərbaycanın
tərəqqisinə, mədəniyyəti və tarixinin təbliğinə
kömək edir.
Ulu öndərin Azərbaycana
rəhbərlik etdiyi dövrdə türkdilli ölkələrlə
əlaqələrə böyük önəm verdiyi
xüsusi vurğulanmışdır.
Qonaqlar ümummilli
liderin arxivindən götürülmüş şəxsi
eksponatlarla da tanış oldular. Heydər Əliyevin təhsil
ocaqlarında fərqləndiyini əks etdirən diplomlar, təltif
olunduğu müxtəlif ordenlər və medallar fondun ziyarətçilərinin
marağına səbəb olmuşdur. Ümummilli liderin
Naxçıvanda və Moskvada işlədiyi dövrlər,
ulu öndərin neft strategiyası barədə də ətraflı
məlumat verilmişdir.
Ekspozisiya ilə
tanışlıqdan sonra qonaqlar fonda xatirə hədiyyələri
təqdim etmişlər.
AzərTAc
Azərbaycan.- 2009.- 29 sentyabr.- S. 4.