“Notariat haqqında” və “Dövlət
rüsumu haqqında” Azərbaycan Respublikasının
qanunlarında dəyişikliklər edilməsi barədə
Azərbaycan Respublikasının Qanunu
Azərbaycan
Respublikasının Milli Məclisi qərara alır:
I. “Notariat haqqında” Azərbaycan
Respublikasının Qanununda (Azərbaycan Respublikasının
Qanunvericilik Toplusu, 2000-ci il, ¹1, maddə 10; 2001-ci il, ¹11, maddə
687, ¹12, maddə 740; 2002-ci il, ¹5, maddə 241, ¹6, maddə 328,
¹12, maddə 706; 2004-cü il, ¹5, maddə 318; 2005-ci il, ¹4, maddə
281, ¹8, maddə 699, ¹10, maddə 903, ¹11, maddə 993; 2007-ci il,
¹1, maddə 4, ¹2, maddə 69, ¹8, maddə 745, ¹11, maddə 1075;
2008-ci il, ¹6, maddə 462, ¹7, maddə 602)
aşağıdakı dəyişikliklər edilsin:
1. 6-cı maddənin birinci və
üçüncü hissələrində “Azərbaycan
Respublikası müvafiq icra hakimiyyəti orqanının
dövlət notariat kontorlarının və dövlət
notariat arxivinin saxlanılması üçün xüsusi
hesaba” sözləri “dövlət notariat kontorlarının və
dövlət notariat arxivinin saxlanılması
üçün Azərbaycan Respublikası müvafiq icra hakimiyyəti
orqanının xüsusi hesabına” sözləri ilə əvəz
edilsin;
2. 20-ci maddənin
dördüncü hissəsi aşağıdakı redaksiyada
verilsin:
“Dövlət notariat
kontorları şəhadətnamənin verilməsinə və
dövlət notariusları tərəfindən notariat hərəkətləri
ilə əlaqədar göstərilən xidmətə
görə alınan və dövlət notariat
kontorlarının və dövlət notariat arxivinin
saxlanılması üçün Azərbaycan
Respublikasının müvafiq icra hakimiyyəti
orqanının xüsusi hesabına daxil olan haqq, habelə Azərbaycan
Respublikasının dövlət büdcəsi hesabına
maliyyələşdirilir.”.
3. 21-ci maddənin
altıncı hissəsi aşağıdakı redaksiyada
verilsin:
“Dövlət notariat arxivi
şəhadətnamənin verilməsinə və dövlət
notariusları tərəfindən notariat hərəkətləri
ilə əlaqədar göstərilən xidmətə
görə alınan və dövlət notariat
kontorlarının və dövlət notariat arxivinin
saxlanılması üçün Azərbaycan Respublikası
müvafiq icra hakimiyyəti orqanının xüsusi
hesabına daxil olan haqq, habelə Azərbaycan
Respublikasının dövlət büdcəsi hesabına
maliyyələşdirilir.”.
4. 29-cu maddə
aşağıdakı redaksiyada verilsin:
“Maddə 29. Notariat hərəkətləri
ilə əlaqədar göstərilən xidmətə
görə haqq
Dövlət notariusları
bu Qanunun 17-ci maddəsinin birinci hissəsinin 6-cı və 8-ci
bəndlərində nəzərdə tutulmuş notariat hərəkətləri
ilə əlaqədar göstərilən xidmətə (məsləhətlərin
verilməsi, əqdlərin, ərizələrin və digər
sənədlərin layihələrinin tərtib edilməsi,
texniki işlərin yerinə yetirilməsi) görə həmin
hərəkətlərin aparılması üçün
müəyyən edilmiş dövlət rüsumu məbləğində,
bu Qanunun 17-ci maddəsinin birinci hissəsinin 1-ci bəndində
nəzərdə tutulmuş notariat hərəkətləri
ilə əlaqədar göstərilən xidmətə
görə isə həmin hərəkətlərin
aparılması üçün müəyyən edilmiş
dövlət rüsumu məbləğinin 15 faizi miqdarında
haqq tuturlar.
“Dövlət rüsumu
haqqında” Azərbaycan Respublikasının Qanununa görə
notariat hərəkətlərinin aparılması üzrə
dövlət rüsumunun ödənilməsindən azadolmalar
tətbiq edilən hallarda notariat hərəkətləri ilə
əlaqədar göstərilən xidmətə görə
haqq tutulmur.
Notariat hərəkətləri
ilə əlaqədar göstərilən xidmətə
görə alınan və dövlət notariat
kontorlarının və dövlət notariat arxivinin
saxlanılması üçün Azərbaycan Respublikası
müvafiq icra hakimiyyəti orqanının xüsusi
hesabına daxil olan vəsaitlərdən istifadə edilməsi
müvafiq icra hakimiyyəti orqanı tərəfindən
müəyyən edilmiş qaydalara uyğun həyata
keçirilir.
Xüsusi notariuslar tərəfindən
notariat hərəkətlərinin aparılmasına görə
dövlət notariusları tərəfindən notariat hərəkətlərinin
aparılması üçün müəyyənləşdirilmiş
dövlət rüsumu miqdarında haqq tutulur.
Notariat hərəkətləri
ilə əlaqədar göstərilən xidmətə
görə haqqın məbləğləri barədə məlumat
lövhə şəklində hər bir dövlət notariat
kontorunun, dövlət notariat arxivinin yerləşdiyi və ya
xüsusi notariusun işlədiyi binanın (otağın)
görkəmli yerində asılmalıdır.
Notarius iş yerindən kənarda
notariat hərəkətlərini aparmaq üçün
getdikdə faktiki nəqliyyat xərclərini maraqlı şəxslər
ödəməlidirlər. ”.
5. 33-cü maddənin
üçüncü hissəsində “əlavə xidmət
haqqı” sözləri “dövlət rüsumu və haqq” sözləri
ilə əvəz edilsin.
6. 34-cü maddənin birinci
hissəsində “rüsum” sözü “dövlət rüsumu
və haqq” sözləri ilə əvəz edilsin.
II. “Dövlət rüsumu
haqqında” Azərbaycan Respublikasının Qanunundan (Azərbaycan
Respublikasının Qanunvericilik Toplusu, 2001-ci il, ¹12, maddə
740; 2002-ci il, ¹12, maddə 706; 2003-cü il, ¹1, maddə 23, ¹8,
maddə 428, ¹12, I kitab, maddə 698; 2005-ci il, ¹1, maddə 1, ¹6,
maddə 462, ¹8, maddə 684, ¹10, maddələr 873, 905, ¹12, maddə
1083; 2006-cı il, ¹3, maddələr 223, 225, ¹6, maddə 481,
¹12, maddə 1015; 2007-ci il, ¹2, maddə 80, ¹12, maddə 1203;
2008-ci il, ¹3, maddə 158, ¹6, maddə 462, ¹7, maddə 602)
10.22-ci və 10.23-cü maddələr
çıxarılsın.
III. Bu Qanun dərc edildiyi
gündən qüvvəyə minir.
İlham Əliyev,
Azərbaycan Respublikasının Prezidenti.
Bakı şəhəri, 2 dekabr 2008-ci il.
Azərbaycan.-2009.-16 yanvar.-S.3.